سىرتقى ىستەر ءمينيسترىنىڭ ورىنباسارى ەرجان اشىقباەۆتىڭ ايتۋىنشا, كەلىسىم قولايلى جاعداي جاساۋ ءۇشىن, سونداي-اق كونسۋلدىق لاۋازىمدى ادامدار مەن قىزمەتكەرلەردى, سونداي-اق ولاردىڭ وتباسى مۇشەلەرىن قورعاۋدى كۇشەيتۋ ماقساتىندا ازىرلەنگەن. قازىرگى ۋاقىتتا اقش اۋماعىندا قازاقستاننىڭ ەكى باس كونسۋلدىعى نيۋ-يورك جانە سان-فرانتسيسكودا جۇمىس ىستەپ كەلەدى. ەكىنشىسى وتكەن جىلدىڭ باسىندا اشىلعان بولاتىن. اقش-تىڭ الماتىداعى باس كونسۋلدىعى ءوز كەزەگىندە ورتالىق ازياداعى اقش-قا ارنالعان بىردەن-ءبىر وڭىرلىك حاب قىزمەتىن اتقارۋدا.
سەناتور مۇحتار قۇل-مۇحاممەد كەلىسىمدى راتيفيكاتسيالاۋ كونسۋلدىق مەكەمەلەرگە, كونسۋلدىق لاۋازىمدى ادامدارعا, كونسۋلدىق قىزمەتشىلەرىنە جانە ولاردىڭ وتباسى مۇشەلەرىنە 1961 جىلعى ديپلوماتيالىق قاتىناستار تۋرالى ۆەنا كونۆەنتسياسىندا كوزدەلگەن كولەمدە ديپلوماتيالىق وكىلدىكتەرگە, ديپلوماتيا اگەنتتەرىنە, اكىمشىلىك جانە تەحنيكالىق پەرسونالعا, سونداي-اق ولاردىڭ وتباسى مۇشەلەرىنە ءتيىستى ارتىقشىلىقتار مەن يممۋنيتەتتەر بەرۋگە مۇمكىندىك بەرەتىنىن اتاپ ءوتتى.
مىسالى, كەلىسىمدى راتيفيكاتسيالاي وتىرىپ, بۇرىن كوزدەلمەگەن, ديپلوماتيالىق قاتىناستار تۋرالى ۆەنا كونۆەنتسياسىندا ايتىلعاننان باسقا جاعدايلاردا تاراپتاردىڭ كونسۋلدىق ادامدارى ديپلوماتيالىق اگەنتتەرمەن تەڭ دارەجەدە قىلمىستىق يۋريسديكتسيادان يممۋنيتەتتى, سونداي-اق ازاماتتىق جانە اكىمشىلىك يۋريسديكتسيادان يممۋنيتەتتى پايدالانا الادى.
سەناتورلار تالقىلاۋدى قورىتىندىلاي كەلىپ, زاڭ جوباسى قابىلدانعاندا ازاماتتاردىڭ مۇددەلەرىن ءبىلدىرۋ مەن قورعاۋدىڭ تيىمدىلىگى ارتا تۇسەتىنىن, سونداي-اق قازاقستان رەسپۋبليكاسى مەن امەريكا قۇراما شتاتتارى اراسىنداعى ءوزارا ىنتىماقتاستىق پەن دوستىق قارىم-قاتىناستاردى نىعاياتىنىن اتاپ ءوتتى. قۇجات پالاتانىڭ قاراۋىنا جىبەرىلدى.
