وسى باعدارلامانىڭ اياسىندا بانك ۆتب (قازاقستان) توتەنشە جاعداي رەجيمىن ەنگىزۋدەن زارداپ شەككەن بيزنەسمەندەرگە جىلدىق 8%-عا دەيىن نومينالدى سىياقى ستاۆكاسىمەن جەڭىلدەتىلگەن نەسيەلەر بەرەتىن بولادى. جەڭىلدىك قارىزدارىن بەرگەنى جانە ولارعا قىزمەت كورسەتكەنى ءۇشىن كوميسسيا الىنبايدى.
– ەلىمىزدىڭ شاعىن جانە ورتا بيزنەسى كوروناۆيرۋستىڭ پاندەمياسىنىڭ ەلەۋلى سوققىسىنا ۇشىرادى. بۇگىن مەملەكەت وسى كۇردەلى كەزەڭدە قازاقستان كاسىپكەرلىگىنە كومەك كورسەتۋ ءۇشىن جەدەل كەشەندى شارالاردى قابىلداۋدا. جاڭا قولداۋ باعدارلاماسى – بۇل باعىتتاعى ماڭىزدى قادام, - دەيدى بانك ۆتب (قازاقستان) باسقارماسىنىڭ توراعاسى دميتري زابەللو. – ۆتب قالىپتاسقان جاعدايدىڭ بارلىق ماڭىزدىلىعىن سەزىنەدى جانە, ارينە, ءبىز وسى ۋاقىتتا كليەنتتەرىمىزگە پايدالى بولۋ ءۇشىن شاعىن جانە ورتا كاسىپكەرلىك سۋبەكتىلەرىن جەڭىلدىكپەن كرەديتتەۋ باعدارلاماسىنا قاتىسامىز.
باعدارلاماعا تج رەجيمىن ەنگىزۋ سالدارىنان قارجى جاعدايىنىڭ ناشارلاۋىن راستايتىن شوب وكىلدەرى قاتىسا الادى. قارىز 12 ايعا دەيىنگى مەرزىمگە بەرىلەدى. زاڭدى تۇلعالاردىڭ ىشىنەن ءبىر قارىز الۋشىعا ليميت – 3 ملرد تەڭگەگە دەيىن, جك ءۇشىن – 50 ملن تەڭگەگە دەيىن. كرەديتتى ماقساتتى پايدالانۋ – اينالىم قاراجاتىن تولىقتىرۋ. باعدارلاماعا 90 كۇننەن استام كرەديتتەر بويىنشا بەرەشەگى بار كاسىپكەرلەر, سونداي-اق رەسپۋبليكانىڭ رەزيدەنت ەمەستەرى قاتىسا المايدى.
بانك ۆتب (قازاقستان) جەڭىلدىكتى كرەديتتەۋ باعدارلاماسىنا قاتىسۋدان باسقا, تج-دان زارداپ شەككەن شوب سەكتورىنىڭ كليەنتتەرىنە 2020 جىلعى 15 ماۋسىمعا دەيىنگى مەرزىمگە نەگىزگى بورىشتى وتەۋ بويىنشا مەرزىمىن كەيىنگە قالدىرۋ جانە قولدانىستاعى كرەديتتەر بويىنشا سىياقى بەرۋ تۇرىندە قولداۋ كورسەتەدى. سونىمەن قاتار وسىنداي كليەنتتەرگە بانك كورسەتىلگەن كەزەڭدە نەگىزگى بورىش پەن سىياقى بويىنشا تولەمدەردىڭ مەرزىمىن وتكىزىپ الۋ بويىنشا ايىپپۇلدار مەن وسىمدەردى جويعان.
