جوعارى ساپالى ءبىلىم, حالىقارالىق تانۋ, بەلسەندى زەرتتەۋ جانە دامىتۋ, يننوۆاتسيا, ەڭ مىقتى فاكۋلتەتتەر جانە دارىندى تۇلەكتەر - بۇل بۇگىنگى كۇنى, قازۇۋ-دىڭ ماقتانىشىنا اينالدى.
ءال-فارابي اتىنداعى قازاق ۇلتتىق ۋنيۆەرسيتەتى – تالانتتى, دارىندى ستۋدەنتتەردىڭ باسىن بىرىكتىرىپ وتىرعان مەكەن, سىيلاستىق پەن شىناي دوستىقتىڭ ورداسى.
ءال-فارابي اتىنداعى قازاق ۇلتتىق ۋنيۆەرسيتەتى – ادامنىڭ تۇلعا بولىپ قالىپتاسۋىنا ىقپال ەتىپ, تۇلعانىڭ جان-جاقتىقابىلەتىن اشىپ كورسەتۋىنە مۇمكىندىك بەرەتىن, كوپجىلدىق ءبىلىم سالاسىنداعى جانە عىلىمي جۇمىستاردا تاجىريبەسى مول جوعارى وقۋ ورنى.
قازۇۋ-دىڭ 2020 جىلعا دەيىنگى دامۋ ستراتەگياسىنا سايكەس وقۋ پروتسەسىن تولىقتاي جاڭعىرتۋ, ءبىلىم مازمۇنىن الەمنىڭ تانىمال جەتەكشى ۋنيۆەرسيتەتتەرىمەن سايكەستەندىرۋ ماقساتىندا وقۋ باعدارلامالارىن ءارتاراپتاندىرۋ.
QS اگەنتتىگىنىڭ 2019 جىلى وتكىزگەن تاۋەلسىز باعالاۋ ناتيجەلەرى بويىنشا قازۇۋ قازاقستاندا العاش بولىپ ورتالىق ازيا ايماعىندا «QS Stars Development Road map» حالىقارالىق رەيتينگىسىندە ء«تورت جۇلدىز» ۇستەمدىك بەلگىسىنە يە بولىپ, QS «World University Rankings» حالىقارالىق رەيتينگىندە الەمدەگى ەڭ ۇزدىك 800 ۋنيۆەرسيتەتتەر اراسىندا 207 ورىنعا يە بولدى. بۇل توپقا پوستكەڭەستىك كەڭىستىكتەن تەك ەكى ۋنيۆەرسيتەت كىرەدى: قازۇۋ جانە لومونوسوۆ اتىنداعى ماسكەۋ مەملەكەتتىك ۋنيۆەرسيتەتى (رف).
ۋنيۆەرسيتەتىمىزدە, سونىمەن قاتار, ءداستۇرلى تۇردە «مەنىڭ قازاقستانىم», «سۋپەر ستۋدەنت», «جالىن» ءبىرىنشى كۋرس تالانتتارىن انىقتاۋ, «ستۋدەنتتىك كوكتەم», «حقف ارۋى», «ۋنيۆەرسيتەت ارۋى», كۆن, «انا ءتىلى ارۋى – جىگىت سۇلتانى» سياقتى بايقاۋلار جوعارى دەڭگەيدە وتكىزىلىپ تۇرادى. فاكۋلتەتتەن تىس ءارتۇرلى پىكىرتالاستار, ينتەللەكتۋالدى ويىندار جانە دوڭگەلەك ۇستەلدەر ۇيىمداستىراتىن ينتەللەكتۋالدى-ديسكۋسسيالىق كلۋبتار ۇيىمداستىرىلادى. وقۋ پروتسەسىنە ءوزىن-ءوزى باسقارۋ ەلەمەنتتەرىن ەنگىزۋ, جاستاردىق مادەني-جالپىلاما جانە سپورتتىق جۇمىسىن ۇيىمداستىرۋ, سالاۋاتتى ءومىر سالتىن ۇستانۋدى ناسيحاتتاۋ, وقۋ-تاربيە پروتسەسىن جەتىلدىرۋگە ات سالىسۋ ماقساتى بولىپ تابىلاتىن ستۋدەنتتىك دەكانات قىزمەت ەتەدى. ناتيجەسىندە ستۋدەنتتەر تەك قانا ءوز ءىسىنىڭ مامانى بولىپ قانا قويماي, سونىمەن قاتار ومىرلىك ۇستانىمدارىنىڭ دا كوشباسشىسى بولادى.
ءال-فارابي اتىنداعى قازۇۋ ەكونوميكا جانە بيزنەس جوعارى مەكتەبىندەگى «ەسەپ جانە اۋديت» كافەدراسى 2004 جىلدىڭ 27 ساۋىرىندە قۇرىلعان. «ەسەپ جانە اۋديت» كافەدراسى بۋحگالتەرلىك ەسەپ جانە اۋديت سالاسىندا باسەكەگە قابىلەتتى, جوعارى بىلىكتى مامانداردى دايىندايتىن كافەدرا بولىپ تابىلادى. بۇل كافەدرادا پروفەسسور-وقىتۋشىلار قۇرامىنىڭ ساپاسىن ارتتىرۋ بويىنشا جۇمىستار ۇنەمى جۇرگىزىپ وتىرادى. جىل سايىن پروفەسسورلىق وقىتۋشىلار قۇرامى شەتەلدەگى جەتەكشى جوو – نا بىلىكتىلىكتى ارتتىرۋعا جىبەرىلىپ تۇرادى. «ەسەپ جانە اۋديت» كافەدراسى 30 ارتىق ءپان بويىنشا قازاق, ورىس جانە اعىلشىن تىلدەرىندە ءبىلىم بەرەدى. مىندەتتى پاندەرمەن بىرگە ەلەكتيۆتى پاندەر دە وقىتىلادى. كافەدرا بويىنشا ەلەكتيۆتى كۋرستاردىڭ ەرەكشەلىكتەرى - ەكونوميكانىڭ ءارتۇرلى سالالارىندا جۇمىس ىستەيتىن بۋحگالتەرلەردى دايىنداۋ كەزىندە تاجىريبەلىك قىزمەتكە كوپ كوڭىل بولىنەتىندىگىندە.
2012-2013 وقۋ جىلىنان باستاپ «ەسەپ جانە اۋديت» ماماندىعى بويىنشا تەك اعىلشىن تىلىندە ءبىلىم الاتىن ستۋدەنتتەر توبى قابىلدانعان. بۇگiن بiزدiڭ ستۋدەنتتەر ديپلومدارىن العاننان كەيىن نارىقتا سۇرانىسقا يە , وقۋ پروتسەسiن ۇزبەي كەز-كەلگەن ستۋدەنت حالىقارىلىق بۋحگالتەرلىك ەسەپ سالاسى بويىنشا سIPA سەرتيفيكاتسيا باعدارلاماسى سار – سەرتيفيكاتتالعان تاجىريبەلى بۋحگالتەرگە وقىپ, سەرتيفيكاتىن الۋ مۇمكىندىگى بار. سIPA سەرتيفيكاتىنا ەمتيحانداردى تاپسىرۋ بويىنشا ستۋدەنت قر اۋديتورلار سارالاۋلارى بويىنشا ەمتيحاندار ءوزارا ەسەپكە الىنادى.
بۇگىنگى كۇنى ءال-فارابي اتىنداعى قازاق ۇلتتىق ۋنيۆەرسيتەتى سىزدەرگە ماماندىقتاردىڭ كەڭ تاڭداۋىن ۇسىناتىن, تولىق ءبىلىم مەن عىلىم بەرۋ كەشەنى بولىپ تابىلادى. ءبىزدىڭ ۋنيۆەرسيتەت قازاقستاننىڭ بولاشاعىن دايىندايدى دەپ ايتۋعا بولادى, ويتكەنى ءبىزدىڭ تۇلەكتەرىمىزدىڭ باسىم كوپشىلىگى قازاقستاندىق قوعامنىڭ ەليتاسىنا ەنىپ, ەل دامۋىنىڭ ۆەكتورىن قالىپتاستىرۋعا قاتىسادى.
ساريا بايمۇقانوۆا,
ءال-فارابي اتىنداعى قازاق ۇلتتىق ۋنيۆەرسيتەتى
قارجى جانە ەسەپ كافەدراسىنىڭ پروفەسسورى, ەكونوميكا عىلىمدارىنىڭ دوكتورى
