كولىك قۇرالدارى جوعارى قاۋىپتىلىك كوزى بولىپ سانالاتىندىقتان, ولارعا سايكەستىكتى باعالاۋ تالاپ ەتىلەدى. اۆتوكولىكتىڭ ءاربىر مودەلىنە, قاجەت بولعان جاعدايدا دايىنداۋشىنى الەمنىڭ كەز كەلگەن نۇكتەسىندە سايكەستەندىرۋگە مۇمكىندىك بەرەتىن WMI (World Manufacturers Identification) كولىك قۇرالىن دايىنداۋشىنىڭ حالىقارالىق كودى ارىپتەرمەن جانە ساندارمەن جازىلادى. قازىر حالىقارالىق ستاندارتتاۋ جونىندەگى ۇيىمنىڭ (ISO) تاپسىرماسى بويىنشا WMI كودتارىنىڭ عالامدىق دەرەكتەر بازاسىن تىركەۋدى جانە جۇرگىزۋدى اقش SAE (Society of Automotive Engineers) اۆتوموبيل ينجەنەرلەرى قوعامى جۇزەگە اسىرادى.
كەڭەس وداعى كەزىندە كولىك قۇرالدارىنىڭ سايكەستىگىن باعالاۋ بىرىڭعاي ورگان ارقىلى جۇزەگە اسىرىلدى. كسرو ىدىراعان ساتتەن باستاپ ءاربىر ەل سايكەستىكتى باعالاۋدى الۋدىڭ ءوز تاسىلدەرىن ىزدەدى.
وسى ماسەلەنى شەشۋ ءۇشىن تەحنيكالىق رەتتەۋ جانە مەترولوگيا كوميتەتى ستاندارتتاۋ تۋرالى زاڭ جوباسىن ازىرلەۋ كەزىندە قازاقستاندا WMI حالىقارالىق كودىن بەرۋ ءراسىمىن ەنگىزۋ قاجەتتىلىگى تۋرالى ۇسىنىس ەنگىزدى. قازاقستاننىڭ دەپۋتاتتارى بۇل باستامانى قولدادى. ماسەلەن, «ستاندارتتاۋ تۋرالى» قازاقستان رەسپۋبليكاسىنىڭ زاڭى كۇشىنە ەنگەننەن كەيىن وتاندىق كولىك قۇرالدارىن وندىرۋشىلەر قازاقستاندا WMI كودىن وتەۋسىز نەگىزدە الا الادى.
بۇل ءۇشىن كولىك قۇرالدارىن وندىرۋشىلەر تەحنيكالىق رەتتەۋ جانە مەترولوگيا كوميتەتىنە جۇگىنۋى ءتيىس.
WMI بەرۋ جونىندەگى قۇزىرەتتى ۇيىمنىڭ زاڭىمەن قازاقستان ستاندارتتاۋ جانە سەرتيفيكاتتاۋ ينستيتۋتىنىڭ (بۇدان ءارى – قازستين) تەحنيكالىق حاتشىلىعى ايقىندالدى.
تەحنيكالىق حاتشىلىق وتىنىمنىڭ حالىقارالىق سايكەستەندىرۋ كودتارىن بەرۋ جونىندەگى قاعيدالارعا سايكەستىگىن جان-جاقتى قاراۋدى جۇرگىزەدى جانە بەلگىلەنگەن تارتىپپەن WMI كودىن بەرەدى.
قازستين تەحنيكالىق حاتشىلىعى العاشقى وتىنىمدەردى قارادى جانە قازىر وڭ قورىتىندىلار مەن حالىقارالىق سايكەستەندىرۋ كودىن بەرۋ تۋرالى كۋالىك كولىك قۇرالدارىن جاساۋشى ەكى قازاقستاندىق كاسىپورىن – بۇل «Town Machinery» جشس-عا (كوممۋنالدىق كولىك قۇرالدارىن ءوندىرۋ) جانە «BATYS TRAILER» جشس-عا (تىركەمەلەردى جاساۋ) بەرىلدى.
SAE-عا عالامدىق دەرەكتەر بازاسىنا تىركەلۋ ءۇشىن حابارلاما جىبەرىلدى.
