الماتى قالاسى توتەنشە جاعدايلار دەپارتامەنتى باستىعىنىڭ ورىنباسارى, ازاماتتىق قورعاۋ پولكوۆنيگى ارمان بايگەلوۆ: «الماتىلىقتاردىڭ قاۋىپسىزدىگىن قامتاماسىز ەتۋ ءۇشىن ىشكى ىستەر ءمينيسترىنىڭ بۇيرىعىمەن 1525 قۇتقارۋشى ەرەكشە قىزمەت اتقارۋ رەجيمىنە اۋىستىرىلدى. تاۋلىك بويى جەدەل قولدانۋعا 118 بىرلىك تەحنيكا مەن 355 قۇتقارۋشى جانە ءورت ءسوندىرۋشى دايىن. ءبىز قالا تۇرعىندارىن تج رەجيمىنەن حاباردار ەتىپ, اقپاراتتاندىرۋ ءۇشىن كۇنىنە 5 رەت 510 تەلەديدار مەن 22 راديوارنانىڭ اقپارات تاراتۋىن ءۇزىپ وتىرمىز.
قالادا 24 كارانتيندىك ايماق بار, وندا ادامدار بارلىق كىرەبەرىستەرىمەن شەكتەلگەن. پيك باسشىلارى وسىنداي پاتەرلەردىڭ بىرىندە ءورت شىققان جاعدايدا بارلىق كىرەبەرىستىڭ ەۆاكۋاتسيالاناتىنىن تۇسىنگەن ءجون. ولار ءۇشىن الدىن-الا باسقا كىرەبەرىستەردىڭ تۇرعىندارىمەن ارالاسپايتىنداي اۋلادان ورىن انىقتاۋ كەرەك. ءبىز سىزگە جانە پيك-تەرىڭىزگە بىرنەشە جادىنامالار ازىرلەدىك جانە ولاردى سىزگە ۆاتساپ مەسەندجەرىمەن باعىتتايمىز. قاراپايىم تالاپتاردى مۇقيات وقىپ, ساقتاۋىڭىزدى سۇرايمىز. ەسىڭىزدە بولسىن – ءورتتى سوندىرەۋدەن گورى ەسكەرتۋ وڭاي», دەدى.
سونىمەن قاتار تجد باستىعىنىڭ ورىنباسارى قاراپايىم قاۋىپسىزدىك ەرەجەلەرىن ساقتاۋدى سۇراي كەلە, تومەندەگى جايتتەردى بارلىق كەزدە قاپەردە ۇستاۋ كەرەكتىگىن ەسكەرتتى:
- ەشقاشان توسەكتە تەمەكى تارتپاڭىز. ەسىڭىزدە بولسىن, تەمەكى جانە الكوگول – ءورت شىعارۋعا سەبەپكەر بەلسەندى زاتتار.
- بالكوندا تەمەكى تارتپاڭىز, تەمەكى تۇقىلىن تومەن تاستاماڭىز.
- ەلەكتر سىمدارىنىڭ دۇرىستىعىن باقىلاڭىز, ەلەكتر جەلىسىنە شامادان تىس سىم قوسپاڭىز, قولدان جاسالعان ەلەكتر اسپاپتارىن قولدانۋعا جول بەرمەڭىز.
- گاز جانە ەلەكتر قۇرالدارىن قاراۋسىز قالدىرماڭىز.
- بالكوندارعا (لودجيالارعا), سونداي-اق ەۆاكۋاتسيالىق شىعۋ جولدارى مەن
باسپالداقتارعا جيھاز, ءۇي -جابدىقتارىن جانە باسقا دا جانعىش ماتەريالداردى ۇيمەڭىز.
- بالالاردى قاراۋسىز قالدىرماڭىز, ولاردى ءورت كەزىندەگى قولدانىلاتىن ءىس-ارەكەتتەرگە ۇيرەتىڭىز.
- اس ۇيدە نەمەسە پاتەردە گازدىڭ ازداعان ءيىسى كەزىندە جارىق تۇتاتپاڭىز, اشىق وتتى پايدالانباڭىز – دەرەۋ بولمەنى جەلدەتىڭىز, گاز كرانىن جابىڭىز جانە گاز قىزمەتىن نەمەسە قۇتقارۋ قىزمەتىن شاقىرىڭىز.
