باستاپقى كەزدە وبلىس كولەمىندە بالاباقشالارعا جالپى بالاباقشا كونتينگەنتىنىڭ 48% قاتىسسا, بۇگىنگى كۇنى ولاردىڭ 11,0% (4429) قاتىسىپ وتىر.
ۇستازدار 16 ناۋرىزدان باستاپ ولار ءۇي جاعدايىندا قاشىقتىقتان جۇمىس جاساۋدا. قازىرگى كەزدە ءبىز ولاردىڭ تسيفرلىق رەسۋرستامەن جۇمىس جاساۋىن جەتىلدىرۋ باعىتىندا جۇمىستار اتقارۋدامىز, دەدى ماڭعىستاۋ وبلىسى ءبىلىم باسقارماسىنىڭ باسشىسى ا.سەيداليەۆ.
مەكتەپتەرگە قاراعاندا كوللەدجدەر مەن جوو قاشىقتىقتان وقىتۋعا دايىندىق دەڭگەيى جوعارى, سەبەبى ولاردا بۇرىننان دا قاشىقتىقتان وقىتۋ ءتۇرى قولدانىلادى. دەي تۇرعانمەن, ولارداعى ساباقتاردىڭ ۋاقىتىلى كەستەگە سايكەس وتۋىنە باسقارما تاراپىنان كۇندەلىكتى مونيتورينگ جۇرگىزىلۋدە.
كۇندىزگى بولىمدە وقيتىن 12404 ستۋدەنت قاشىقتىقتان وقىتىلادى. 30 ناۋرىزدان باستاپ وقۋ پروتسەسىنە سىرتتاي ءبولىم ستۋدەنتتەرى قوسىلدى.
ونىڭ ىشىندە, 23 كوللەدج EDUS پلاتفورماسى, «مەيىربيكە» كوللەدجى MEIRBIKE پلاتفورماسى جانە ش. ەسەنوۆ اتىنداعى ۋنيۆەرسيتەتى جانىنداعى كوپ سالالى كوللەدجى «Lessons.yu.edu.kz» ارقىلى وقىتۋدا جانە ولارعا 1157 پەداگوگ تارتىلعان.
الىستاعى اۋىلدىق جەرلەردە 54 ستۋدەنت تۇرادى, ونىڭ ىشىندە, 31 ستۋدەنت, ينتەرنەت جەلىسى جوق اۋىلداردا تۇرادى, 23 ستۋدەنتتىڭ ەلەكتروندى قۇرىلعىلارى جوق. ينتەرنەت جەلىسىنىڭ بولماۋىنا بايلانىستى ولار اپتاسىنا 3 رەت تۋىسقاندارىنىڭ ۇيىنە بارىپ ءۇي تاپسىرمالارىن ورىندايدى.
ال, بۇگىنگى كۇنگە دەيىن ورتا ءبىلىم بەرۋدە قاشىقتىقتان وقىتۋ ەلىمىز بويىنشا بولماعان جانە بۇل ماسەلە ء«بىلىم تۋرالى» زاڭدا دا قاراستىرىلماعان. سوندىقتان, بۇگىنگى تاڭدا ورتا ءبىلىم بەرۋدەگى قاشىقتىقتان وقىتۋ ماسەلەسى ەڭ كۇردەلى ماسەلە بولىپ وتىر.
قازىرگى تاڭدا بۇكىل الەم بويىنشا 850 ميلليونعا جۋىق وقۋشى قاشىقتىقتان وقىتۋ فورماتىنا كوشتى, وسىنداي شارا قابىلداۋعا بارلىق ەل ءماجبۇر بولىپ وتىر. ءبىلىم باسقارماسىنىڭ باسشىسى بۇل ۇستازدارعا, اتا-انالارعا, بارلىق ءبىلىم بەرۋ ۇيىمدارىنا ۇلكەن سىناق دەپ باعالاپ وتىر, وڭىردە جاعدايعا وراي ءتيىستى دايىندىق جۇمىستارى ۇيىمداستىرىلماق.
