جالپى, قازىر وبلىستى قەنەرگەتيكا جانە تۇرعىن ءۇي شارۋاشىلىعى باسقارماسىنىڭ مالىمدەۋىنشە, وبلىستاعى قالالار مەن اۋدانداردىڭ قىسقى ماۋسىمعا دايىندىعى بەكىتىلگەن كەستەگە سايكەس جۇرگىزىلۋدە. جىلۋ-ەنەرگەتيكا جانە تۇرعىن ءۇي-كوممۋنالدىق شارۋاشىلىق نىساندارىن الداعى كۇز-قىس ماۋسىمىنا دايىنداۋعا ساي وڭىردەگى ەلەكتر ستانسالارى كۇردەلى جوندەۋلەردەن ءوتىپتى. ياعني ەلەكترمەن قامتۋ جەلىلەرىنىڭ 2462,8 شاقىرىمىنا جانە 745 قوسالقى ستانساعا, 29 قازاندىققا, جىلۋمەن قامتۋ جەلىلەرىنىڭ 25,4 شاقىرىمىنا, سۋمەن قامتۋ جەلىلەرىنىڭ 62,1 شاقىرىمىنا كۇردەلى جوندەۋلەر جۇرگىزىلىپ, 2399 تۇرعىن ۇيدە قىسقا دايىندىق جۇمىستارى جالعاسۋدا.
جالپى, قازىر وبلىستى قەنەرگەتيكا جانە تۇرعىن ءۇي شارۋاشىلىعى باسقارماسىنىڭ مالىمدەۋىنشە, وبلىستاعى قالالار مەن اۋدانداردىڭ قىسقى ماۋسىمعا دايىندىعى بەكىتىلگەن كەستەگە سايكەس جۇرگىزىلۋدە. جىلۋ-ەنەرگەتيكا جانە تۇرعىن ءۇي-كوممۋنالدىق شارۋاشىلىق نىساندارىن الداعى كۇز-قىس ماۋسىمىنا دايىنداۋعا ساي وڭىردەگى ەلەكتر ستانسالارى كۇردەلى جوندەۋلەردەن ءوتىپتى. ياعني ەلەكترمەن قامتۋ جەلىلەرىنىڭ 2462,8 شاقىرىمىنا جانە 745 قوسالقى ستانساعا, 29 قازاندىققا, جىلۋمەن قامتۋ جەلىلەرىنىڭ 25,4 شاقىرىمىنا, سۋمەن قامتۋ جەلىلەرىنىڭ 62,1 شاقىرىمىنا كۇردەلى جوندەۋلەر جۇرگىزىلىپ, 2399 تۇرعىن ۇيدە قىسقا دايىندىق جۇمىستارى جالعاسۋدا. ال, وبلىس ورتالىعىن, ەكىباستۇز قالاسىن ەلەكتر ەنەرگياسىمەن جابدىقتاۋشى كومپانيا «پاۆلودارەنەرگوسبىت» سەرىكتەستىگى وبلىستاعى ەلەكتر جانە جىلۋ ەنەرگياسىن وندىرۋمەن, تاسىمالداۋمەن جانە وتكىزۋمەن اينالىساتىن «پاۆلودارەنەرگو» اق-تىڭ ەنشىلەس كومپانياسى بولىپ تابىلادى. بۇل الىپ ەنەرگەتيكالىق جۇيەنىڭ قۇرامىنا وبلىس ورتالىعىنداعى №2 جەو, №3 جەو, جانە ەكىباستۇز جىلۋ ەلەكتر ورتالىعى, پاۆلودار جانە ەكىباستۇز قالالارىنىڭ جىلۋ جەلىلەرىنىڭ بۇكىل كاسىپورىندارى, «ەلەكترجەلىلىك تاراتۋ كومپانياسى» اق جانە «پاۆلودارەنەرگوسبىت» جشس بار. ەلەكتر تاراتۋ جەلىلەرىنىڭ ۇزىندىعى 15 800 شاقىرىم, جىلۋ بەرۋ جەلىلەرىنىڭ ۇزىندىعى 749,5 شاقىرىمنان استام. ەلەكتر ستانسالارىنىڭ قۋاتتىلىعى 627 مۆت, جىلۋ ەنەرگياسى بويىنشا 2102 گكال/ساعاتتى قۇرايدى. سونىمەن بىرگە, «پاۆلودارەنەرگو» اق ەلىمىزدەگى ءىرى ەلەكتر-ەنەرگەتيكالىق كومپانياسى «ورتالىق ازيا ەلەكتر-ەنەرگەتيكالىق كورپوراتسياسى» اق-تىڭ بىرىككەن ەنەرگەتيكالىق حولدينگىنىڭ قۇرامىنا كىرەدى.
بارىنەن بۇرىن وكىنىشتىسى سول, كەيبىر تۇرعىندار جىلۋ مەن جارىقتىڭ قايدان كەلىپ, قايدان شىعىپ جاتقانىن بىلمەي, تەگىن دۇنيەدەي كورەتىنىن كوممۋنالدىق قىزمەتتەرگە تولەنبەگەن قارىزدار تىزىمىنەن كورەمىز. وسى جىلدىڭ 1 ماۋسىمىنداعى جاعداي بويىنشا وبلىس تۇرعىندارىنىڭ قارىزى 457,9 ميلليون تەڭگەنى قۇراپ وتىر. تۇتىنۋشىلار جىلۋمەن قامتۋعا 331,9 ميلليون تەڭگە, ەلەكترمەن قامتۋعا 90,0 ميلليون تەڭگە, سۋمەن قامتۋ قىزمەتتەرىنە 36,0 ميلليون تەڭگە تولەمەگەن. بۇدان بۇرىندارى دا قالالار مەن اۋدانداردىڭ اكىمدەرىنە مەرزىمىنەن كەشىكتىرىلگەن قارىزداردى جابۋ جانە ونى بولدىرماۋ بويىنشا ءتيىستى ءىس-شارالار ازىرلەۋ جونىندە تاپسىرمالار بەرىلگەن-ءدى. وبلىس اكىمى ەرلان ارىن قالالار مەن اۋدانداردىڭ اكىمدەرىنە, مەملەكەتتىك ورگاندار باسشىلارىنا قارىز ماسەلەسىن باقىلاۋعا الىپ, 1 قىركۇيەككە دەيىن كورسەتىلگەن كوممۋنالدىق قىزمەتتەر قارىزىن جابۋ بويىنشا قاتاڭ شارالار جۇرگىزۋدى, سونداي-اق, شالعايداعى جانە قالا ىرگەسىندەگى اۋىلداردىڭ ەلەكتر, سۋ, جىلۋمەن قامتۋ نىساندارىن نازارعا الۋدى تاپسىرعان بولاتىن. مىسالى, ەكىباستۇزدا جىلۋ ەنەرگياسىنا اقى تولەمەگەندەردەن بەرەشەكتى ءوندىرىپ الۋ ءۇشىن سوت ورىنداۋشىلارى بورىشكەرلەردىڭ ۇيىندەگى جىلىتۋ قۇرىلعىلارىن الىپ تاستاۋدى باستادى. ياعني ءبىرىنشى كەزەڭدەگى مۇنداي قاتاڭ شارا تىزىمىنە جىلۋ ەنەرگياسىنا بەرەشەكتەردى ءوندىرىپ الۋ تۋرالى سوت شەشىمىن ورىنداماعاندار ءىلىندى. سوت ورىنداۋشىلارىنىڭ ايتۋىنشا, بيىلعى جىلى قالا بويىنشا تۇتىنۋشىلاردىڭ جىلۋ ەنەرگياسىنا مەرزىمى ءوتىپ كەتكەن بەرەشەگىنىڭ جالپى كولەمى 929 ميلليون تەڭگەنى قۇراپ وتىرعان كورىنەدى. ءبىز مۇنداي شاراعا امالسىزدان بارىپ وتىرمىز. تالاپ پەن ءتارتىپ بارىمىزگە بىردەي. سوندىقتان, جىلىتۋ قۇرىلعىلارىن الۋ تاجىريبەسى كوپ قاباتتى ۇيلەر مەن جەكە مەنشىك سەكتورىنداعى ۇيلەردە تۇراتىن بورىشكەرلەرگە قولدانىلادى, دەيدى «پاۆلودارەنەرگوسبىت» جشس-نىڭ ەكىباستۇز قالاسىنداعى بولىمشە باستىعى تاتيانا زابەلينا.
فاريدا بىقاي,
«ەگەمەن قازاقستان».
پاۆلودار وبلىسى.
