قازاقستان • 01 ءساۋىر، 2020

ەڭبەك ەتۋ ءۇشىن كوشىپ-قونۋشىلار تۋرالى زاڭ جوباسىن راتيفيكاتسيالاۋ ماسەلەسىن قارادى

10 رەتكورسەتىلدى

پارلامەنت سەناتىنىڭ الەۋمەتتىك-مادەني دامۋ جانە عىلىم كوميتەتىنىڭ كەڭەيتىلگەن وتىرىسىندا «قازاقستان رەسپۋبليكاسىنداعى وزبەكستان رەسپۋبليكاسىنىڭ ازاماتتارى جانە وزبەكستان رەسپۋبليكاسىنداعى قازاقستان رەسپۋبليكاسىنىڭ ازاماتتارىنىڭ ەڭبەك قىزمەتى جانە ەڭبەك ميگرانتتارىنىڭ قۇقىعىن قورعاۋ تۋرالى قازاقستان رەسپۋبليكاسىنىڭ ۇكىمەتى مەن وزبەكستان رەسپۋبليكاسىنىڭ ۇكىمەتى اراسىنداعى كەلىسىمدى راتيفيكاتسيالاۋ تۋرالى» زاڭ جوباسى قارالدى. بۇل تۋرالى سەناتتىڭ ءباسپاسوز قىزمەتى حابارلادى.

زاڭ جوباسى تۋرالى ەلىمىزدىڭ ەڭبەك جانە حالىقتى الەۋمەتتىك قورعاۋ ءمينيسترىنىڭ ورىنباسارى اقمادي سارباسوۆ بايانداما جاسادى. الەۋمەتتىك-مادەني دامۋ جانە عىلىم كوميتەتىنىڭ توراعاسى مۇرات باقتيار ۇلى قوسىمشا بايانداما جاساپ، قۇجاتتىڭ ماڭىزى تۋرالى ءوز ويلارىن ورتاعا سالدى.

بۇل كەلىسىم ەكى ەلدىڭ ءوزارا ەڭبەك قىزمەتى جانە ەڭبەك ميگرانتتارىنىڭ قۇقىعىن قورعاۋعا قاتىستى ماسەلەلەردى رەتتەيدى. كەلىسىمنىڭ ماقساتى – ەكى ەل اراسىنداعى كوشىن-قوندى رەتتەۋ شارالارىن بىرلەسىپ جۇزەگە اسىرۋ جانە زاڭسىز ەڭبەك ەتۋ قىزمەتىن توقتاتۋ.

ەكىجاقتى كەلىسىمنىڭ اياسىندا ەڭبەك ميگرانتتارى ءۇشىن بىرقاتار جاعدايلار قاراستىرىلىپ وتىر. ونىڭ ىشىندە، ەڭبەك جاراقاتىن العان جاعدايدا، ەڭبەك مىندەتىن وتەۋ كەزىندە كاسىبي اۋرۋ نەمەسە دەنساۋلىعىنا زيان كەلتىرگەندە وتەم تولەۋ، سونىمەن قوسا كەپىلدەندىرىلگەن تەگىن مەديتسينالىق كومەك الۋ; پەداگوگيكا، مەديتسينا جانە فارماتسەۆتيكا ماماندىقتارى بويىنشا ءبىلىم الىپ سول سالادا جۇمىس ىستەگەن جاعدايدا ءبىلىم قۇجاتىن مويىنداۋ تۋرالى مەملەكەت قابىلداعان زاڭ اياسىندا بەكىتىلگەن راسىمنەن ءوتۋى; الەۋمەتتىك جانە زەينەتاقىمەن قامتاماسىز ەتۋ بار.

كەلىسىمدى جۇزەگە اسىرۋعا قازاقستان رەسپۋبليكاسى ەڭبەك جانە الەۋمەتتىك قورعاۋ مينيسترلىگى مەن وزبەكستان رەسپۋبليكاسى جۇمىسپەن قامتۋ جانە ەڭبەك قاتىناستارى مينيسترلىگى جانە وزبەكستان رەسپۋبليكاسى جۇمىسپەن قامتۋ جانە ەڭبەك قاتىناستارى مينيسترلىگى جانىنداعى سىرتقى ەڭبەك ميگراتسياسى جونىندەگى اگەنتتىك  جاۋاپتى بولىپ وتىر.

ودان بولەك، بۇل كەلىسىم قازاقستان رەسپۋبليكاسىنىڭ ۇكىمەتى مەن وزبەكستان رەسپۋبليكاسىنىڭ ۇكىمەتى اراسىندا ەڭبەك ميگراتسياسى پروتسەسىن رەتتەۋ مەن ەكى ەل اراسىندا جۇمىس كۇشتەرىنىڭ ءجۇرىپ تۇرۋىنا جاعداي جاساۋعا مۇمكىندىك بەرەدى.

كوميتەتتىڭ كەڭەيتىلگەن وتىرىسىندا «قازاقستان رەسپۋبليكاسىنداعى وزبەكستان رەسپۋبليكاسىنىڭ ازاماتتارى جانە وزبەكستان رەسپۋبليكاسىنداعى قازاقستان رەسپۋبليكاسىنىڭ ازاماتتارىنىڭ ەڭبەك قىزمەتى جانە ەڭبەك ميگرانتتارىنىڭ قۇقىعىن قورعاۋ تۋرالى قازاقستان رەسپۋبليكاسىنىڭ ۇكىمەتى مەن وزبەكستان رەسپۋبليكاسىنىڭ ۇكىمەتى اراسىنداعى كەلىسىمدى راتيفيكاتسيالاۋ تۋرالى» زاڭ جوباسىن سەنات وتىرىسىنىڭ كۇن تارتىبىنە ەنگىزۋ تۋرالى شەشىم قابىلداندى.

سوڭعى جاڭالىقتار

ۇقساس جاڭالىقتار