قازاقستان • 01 ءساۋىر، 2020

اntikor ونلاين رەجىمىندە ازاماتتارعا قۇقىقتىق كومەك پەن زاڭگەرلىك كەڭەس كورسەتۋدە

21 رەتكورسەتىلدى

ەلدەگى توتەنشە جاعدايدى ەسكەرە وتىرىپ، سىبايلاس جەمقورلىققا قارسى قىزمەتى ءوزىنىڭ «Adal kómek» جوباسى ارقىلى ونلاين فورماتتا زاڭگەرلىك كومەك كورسەتۋدە.

بۇل جوبا ءاربىر ازاماتتىڭ تۇرعىلىقتى جەرىنە قاراماستان، الەۋمەتتىك وقشاۋلاۋدى ساقتاي وتىرىپ، ناقتى ۋاقىت رەجيمىندە جوعارى بىلىكتى قۇقىقتىق كومەك الۋعا مۇمكىندىك بەرەدى.

جوبا اگەنتتىكتىڭ باستاماسىمەن «ۆولونتەر جىلى» اياسىندا باستاۋ الدى.

ايتا كەتۋ كەرەك، مەملەكەت باسشىسى ۆولونتەرلىك قىزمەتتىڭ ءبىر باعىتى رەتىندە ۆولونتەر-زاڭگەرلەردى تارتۋ ارقىلى حالىقتىڭ قۇقىقتىق ساۋاتتىلىعىن ارتتىرۋ جانە ازاماتتارعا قۇقىقتىق ماسەلەلەر بويىنشا كونسۋلتاتسيالىق كومەك كورسەتۋدى ايقىنداپ بەردى.

بەلگىلى ادۆوكات، ۇلتتىق قوعامدىق سەنىم كەڭەسىنىڭ مۇشەسى، ادام قۇقىعى جونىندەگى ساراپشى ايمان وماروۆا «Adal kómek» جوباسىنا جەتەكشىلىك ەتۋدە.

بۇگىنگى تاڭدا ەلىمىزدىڭ بارلىق وڭىرىندە جوبانىڭ فيليالدارى ىسكە قوسىلعان.

جوبانىڭ كەڭ اۋقىمدا تارالىپ جۇمىس ىستەۋى ءۇشىن اتالعان شاراعا اگەنتتىك ارقىلى ەلىمىزدەگى بەدەلدى زاڭگەرلەر مەن قۇقىقتانۋشىلار، تاجىريبەلى ادۆوكاتتار تارتىلۋدا.

ءوز كەزەگىندە، بۇل قوعامنىڭ الەۋمەتتىك وسال توپتارىنا تەگىن كەڭەس بەرۋ ءۇشىن ساراپشىلار قاۋىمداستىعىنىڭ باسىن بىرىكتىرگەن اشىق الاڭ قۇرۋعا مۇمكىندىك بەردى.

«Adal kómek» جوباسى ىسكە قوسىلعان ساتتەن باستاپ مىڭنان اسا ازامات قۇقىقتىق كەڭەس الدى. «Adal kómek» بۇل – قۇقىقتىق اعارتۋشىلىق پەن ازاماتتىق قوعامنىڭ جەتىلۋ كورسەتكىشى.

سوڭعى جاڭالىقتار

ۇقساس جاڭالىقتار