ءۇي يەلەرىنىڭ جاعدايى بىرقالىپتى بولعاندىقتان, ولار مەديتسينالىق كومەككە جۇگىنۋدەن باس تارتتى.
№3 مامانداندىرىلعان ءورت ءسوندىرۋ ءبولىمىنىڭ ورتپەن كۇرەسۋشىلەرى ءورتتى ەكى ساعاتتان استام ۋاقىتتا اۋىزدىقتادى, سەبەبى ءورت اۋماعى 86 شارشى مەترگە دەيىن تاراپ كەتكەن.
«پەشتى سالعاندا جانە ونى پايدالانعاندا ءورت قاۋىپسىزدىك قاعيداسىن بۇزۋشىلىقتان وقىس جاعداي ورىن الىپ وتىر, – دەيدى №3 ءموسب باستىعى ماسيموۆ دۋلات. – كورشىلەرى ءورتتى بايقاپ بىزگە حابار بەرگەنى جاقسى بولدى. ايتىپ كەلمەيتىن اپاتتى ارتى ورنى تولماس قايعىلى جاعدايعا اكەپ سوعۋى مۇمكىن ەدى. وسى ورايدا جەر ءۇيدىڭ تۇرعىندارىن پەشتى جاققاندا مەيلىنشە اباي بولىپ, تۇتىندىكتەردى ۋاقىتىلى تازارتىپ وتىرۋلارىڭىزدى سۇرايمىز, ۇيقىعا كەتپەستەن بۇرىن ءۇش ساعات بۇرىن پەشتى جاعۋدى توقتاتۋ كەرەك. اعاش شاتىرلارىمەن نەمەسە قاباتارالىق جابىنداردىڭ تۇيىسپەلەرىندەگى پەش, ءتۇتىن تۇرباسى كىرپىشتەن جاسالعان كەسكىشتىڭ قالىڭدىعىنداي جۋان بولۋى كەرەك. ءورت شىققان جاعدايدا تەز اردا «101» نەمەسە «112» نومىرلەرىنە نولدىك بالانستادا قوڭىراۋ شالا الاسىز»
