بۇل ءتارتىپ بارلىق ەكىنشى دەڭگەيدەگى بانكتەرگە, لومباردتارعا, ونلاين-كرەديتتەۋ كومپانيالارىن, كرەديتتىك سەرىكتەستىكتەرگە, ميكروقارجىلىق قىزمەتتى جۇزەگە اسىراتىن ۇيىمدارعا قاتىستى قولدانىلادى.
جەكە تۇلعا نەمەسە شاعىن جانە ورتا بيزنەس وكىلدەرى ءوتىنىشىن 2020 جىلدىڭ 16 ناۋرىز – 15 ماۋسىم ارالىعىندا بەرە الادى. بۇل حالىقتىڭ الەۋمەتتىك جاعىنان وسال توپتارىنا جاتاتىن ازاماتتارىنا, اتاۋلى الەۋمەتتىك كومەك الۋشىلارعا, تىركەلگەن جۇمىسسىزدارعا مەرزىمىن كەيىنگە شەگەرۋ اۆتوماتتى تۇردە جۇزەگە اسىرىلادى.
- باسقا ازاماتتار كرەديتتىك ۇيىمعا ۋاقىتشا جۇمىسقا جارامسىز, اقىسى تولەنبەيتىن ەڭبەك دەمالىسىندا بولۋ, ەڭبەك قاتىناستارىن توقتاتۋ, جالاقى تولەۋدى توقتاتا تۇرۋ نەمەسە باسقا دا سەبەپتەرىن كورسەتە وتىرىپ ءوتىنىش جاساي الادى. جەكە تۇلعالاردان راستايتىن قۇجاتتار ۇسىنۋى تالاپ ەتىلمەيدى, الايدا اسىرا پايدالانۋدى بولدىرماۋ ءۇشىن كرەديتتىك ۇيىم جەكە تۇلعانىڭ قارجىلىق جاعدايىنىڭ ناشارلاماعانى تۋرالى اقپارات بولعان جاعدايدا تولەمدەردى توقتاتا تۇرۋدان باس تارتۋ تۋرالى شەشىم قابىلداۋى مۇمكىن, - دەدى قارجى نارىعىن رەتتەۋ جانە دامىتۋ اگەنتتىگى اقتاۋ قالاسىنداعى وڭىرلىك وكىلدەر باسقارماسىنىڭ باسشىسى نۇرتاس ماشانوۆ.
شاعىن جانە ورتا بيزنەس سۋبەكتىلەرى وزدەرىنىڭ قارجىلىق جاعدايىنىڭ ناشارلاعانىن راستايتىن قۇجاتتى قوسا بەرە وتىرىپ بانككە نەمەسە ميكروقارجى ۇيىمىنا ءوتىنىش جاساۋى قاجەت. تولەمدەردى توقتاتا تۇرۋ بانكتىك قارىز, ميكروكرەديت جانە كەپىل شارتتارىنا قوسىمشا كەلىسىمدەرگە قول قويماي جۇزەگە اسىرىلادى. تولەمدەردى توقتاتا تۇرۋ كەزەڭى ءتارتىپتىڭ تالاپتارىنا سايكەس كەلەتىن قارىز الۋشىلار بويىنشا شاعىم-تالاپ قويۋ جۇمىسى توقتاتىلادى. ايتا كەتەيىك 2020 جىلعى 16 ناۋرىز – 15 ماۋسىم ارالىعىنداعى كەزەڭدە كرەديتتىك ۇيىمدار تولەمدەردى توقتاتا تۇرۋ تۋرالى ءوتىنىشتى قاراعانى نەمەسە ءتيىستى شارتتاردى وزگەرتكەنى ءۇشىن قارىز الۋشىلاردان كوميسسيالار مەن وزگە تولەمدەردى المايدى.
ماڭعىستاۋ وبلىسى
