ەلىمىزدە توتەنشە جاعدايدىڭ ەنگىزىلۋىنە بايلانىستى وڭىردە بىرقاتار جۇمىستار اتقارىلۋدا. پوليتسيا دەپارتامەنتى مەن اكىمدىك بىرىگىپ, ىندەتتىڭ الدىن الۋ ءۇشىن بلوكپوستتار قويدى.
ماسەلەن, بەينەۋ اۋىلى بورانقۇل ستانتسياسىنا - 1, تۇپقاراعان اۋدانىندا - 1 جانە جاڭاوزەن قالاسىندا - 2 بلوكپوست قويىلدى. بلوكپوستتاردى قويۋداعى ماقسات – حالىققا ءتۇسىندىرۋ جۇمىستارىن جۇرگىزۋ جانە جولاۋشىلاردىڭ دەنساۋلىعىن تەكسەرۋ.
سونىمەن قاتار, قر پرەزيدەنتىنىڭ توتەنشە جاعداي جاريالاۋىنا بايلانىستى, كافە, بارلاردىڭ جۇمىس ىستەۋ رەجيمىن بۇزعانى ءۇشىن 28 ادام اكىمشىلىك جاۋاپكەرشىلىككە تارتىلدى. اقتاۋ قالاسىندا انىقتالعان 18 اكىمشىلىك قۇقىق بۇزۋشىلىقتار نەگىزىندە 5 تۇلعا اكىمشىلىك قاماۋعا الىنىپ, 1 تۇلعاعا قاتىستى 10 ايلىق ەسەپتىك كورسەتكىش مولشەرىندە ايىپپۇل سالىندى. جاڭاوزەن قالاسىندا انىقتالعان 6 اكىمشىلىك قۇقىق بۇزۋشىلىقتار نەگىزىندە 3 تۇلعاعا قاتىستى 10 ايلىق ەسپتىك مولشەردە ايىپپۇل سالىنىپ, 3 تۇلعا اكىمشىلىك قاماۋعا الىندى. ءۇي كارانتينىنە ورنالاستىرىلعان تۇلعالارمەن بەلگىلەنگەن رەجيمدى بۇزعانى ءۇشىن اقتاۋ قالاسىنىڭ 1 تۇرعىنى جاۋاپكەرشىلىككە تارتىلدى. باسقا انىقتالعان قۇقىق بۇزۋشىلىقتار بويىنشا زاڭدى شەشىم قابىلداۋ ماقساتىندا سوت ورىندارىنا جولداندى.
پوليتسيا دەپارتامەنتىنىڭ قىزمەتكەرلەرى تۇرعىنداردى وبلىستا ەنگىزىلگەن شەكتەۋ شارالارىن قاتاڭ ۇستانۋعا شاقىرادى. ءتارتىپ بۇزىلعان جاعدايدا اكىمشىلىك جاۋاپكەرشىلىككە تارتىلاتىنىن ەسكەرتەدءى.
