16:33
يسپانيادا 100 مىڭنان استام ادام ۆيرۋس جۇقتىردى
يسپانيانىڭ دەنساۋلىق ساقتاۋ سالاسىنىڭ وكىلدەرى بۇگىن ەلدە ۆيرۋس جۇقتىرعاندار سانى 102,136 بولعانىن مالىمدەدى.
اقش پەن يتاليادان كەيىن ۆيرۋس كوپ تاراعان وسى يسپانيا.
ەلدە ينفەكتسيادان كەشە ءبىر كۇندە 864 ءولىم تىركەلگەن. بۇل - يسپانيا ءۇشىن ەڭ جوعارعى ءبىر كۇندىك كورسەتكىش.
ۆيرۋستان قايتىس بولعاندار سانى 9 مىڭنان اسادى, ال ساۋىققاندار 19 مىڭنان استام ادام.
15:18
COVID-19 تۋرالى تەگىن ونلاين-كۋرس باستالدى
Johns Hopkins University حالىققا ارناپ COVID-19 جانە ەپيدەميولوگيا تۋرالى Coursera پلاتفورماسىندا تەگىن ونلاين كۋرس ۇسىندى. ۋنيۆەرسيتەت - قازىر ىندەتتىڭ دۇنيەجۇزى بويىنشا تارالۋىنا مونيتورينگ جاساپ, عىلىمي نەگىزدەلگەن اقپارات ۇسىنىپ وتىرعان بىردەن-ءبىر زەرتتەۋ ورتالىعى.
بەس ساعاتتىق كۋرس 31 ناۋرىز بەن 14 ساۋىرگە دەيىن وتەدى. بۇل كارانتيندە وتقان تۇرعىندارعا ىندەت تۋرالى كەڭىنەن ءبىلىپ قانا قويماي, ينتەرنەتتە قاپتاعان اقپاراتتى سۇرىپتاۋعا كومەكتەسەدى.
كۋرس ۆيرۋستى جۇقتىرعاندار سانى, ينفەكتسيانىڭ قالاي انىقتالاتىنى, ونىڭ قانشالىقتى جۇقپالى جانە ونىمەن كۇرەسۋ ءۇشىن نە ىستەۋگە بولاتىنىن عىلىمي تۇرعىدان تۇسىندىرەدى.
جۇرگىزەتىن وقىتۋشىلار - Bloomberg قوعامدىق دەنساۋلىق ساقتاۋ مەكتەبىنىڭ ءۇش ەپيدەميولوگى.
ساباق اعىلشىن تىلىندە وتەدى. قىزىقساڭىز, سىلتەمەگە ءوتىپ, 900 مىڭعا جۋىق ادامعا جۇققان ۆيرۋس تۋرالى عىلىمي اقپارات الىڭىز.
12:29
وزبەكستاندا ۆيرۋس جۇقتىرعاندار سانى 173-كە جەتتى
ەلدە ەم الىپ جاتقان 5 ناۋقاس اۋىر حالدە, ال ەكەۋى سالىستىرمالى اۋىر حالدە ەكەنى ايتىلدى.
قازىرگى ۋاقىتتا كوروناۆيرۋستان 8 ادام ساۋىعىپ, 2 ادام قايتىس بولدى.
وزبەكستاندا COVID-19 اۋرۋىنىڭ العاشقى وقيعاسى 15 ناۋرىزدا تىركەلدى.
11:23
قىرعىزستاننىڭ دەنساۋلىق ساقتاۋ ءمينيسترى قىزمەتىن بوساتتى
قىرعىزستان پرەزيدەنتى سوورونباي جەەنبەكوۆ بۇگىن, 1 ءساۋىر كۇنى ەلدىڭ ۆيتسە-پرەمەرى التىناي ومۋربەكوۆا مەن دەنساۋلىق ساقتاۋ ءمينيسترى كوسموسبەك چولپونباەۆتى قىزمەتىنەن بوساتۋ تۋرالى جارلىقتارعا قول قويدى.
10:50
مەكسيكاعا دەمالىسقا بارعان 28 ستۋدەنت ۆيرۋس جۇقتىرعان
مەكسيكانىڭ كابو-سان-لۋكاس-بيچ كۋرورتىنان كوكتەمگى دەمالىستان تەحاسقا ورالعان جيىرما سەگىز ستۋدەنتتەن كوروناۆيرۋس انىقتالدى.
دەگەنمەن مەكسيكالىق شەنەۋنىكتەر ولاردىڭ ۆيرۋستى تۋريستىك ورىندا جۇقتىرماعانىن ايتىپ وتىر ەكەن.
ەلدىڭ دەنساۋلىق ساقتاۋ مينيسترلىگى سەيسەنبى كۇنى مەكسيكادا 1215 جاعداي تىركەگەن, ال ءبىر كۇن بۇرىن ۆيرۋس جۇقتىرعان 1094 ادام انىقتالعان.
10:45
بەلگيادا 12 جاسار قىز كوروناۆيرۋستان قايتىس بولدى
بەلگيا كورولدىگىنىڭ COVID-19 كۇرەس جونىندەگى ۇكىمەت وكىلى ەممانۋەل اندرە 12 جاسار قىزدىڭ كوروناۆيرۋس ينفەكتسياسىنان قايتىس بولعانى تۋرالى حابارلادى.
«بۇل ەموتسيونالدىق تۇرعىدا وتە قيىن جاعداي, سەبەبى ول بالالارعا دا, مەديتسينا مەن عىلىمي قوعامعا دا كەرى اسەر ەتىپ وتىر»,- دەدى اندرە.
بەلگيادا بۇعان دەيىن ۆيرۋستان بالا ءولىمى تىركەلمەگەن. بىرنەشە كۇن بۇرىن كوز جۇمعان ليمبۋرگتىق 30 جاستاعى مەدبيكە ەلدەگى ەڭ جاس قۇربان سانالىپ كەلدى. بەلگيالىق قىز ەۋروپاداعى كوروناۆيرۋستىڭ ەڭ جاس قۇربانى بولىپ وتىر. بۇعان دەيىن فرانتسيادا 16 جاسار قىز بەن 14 جاسار پورتۋگاليالىق ءجاسوسپىرىم كوروناۆيرۋستان قايتىس بولعان ەدى.
اۆتورى: سۆەتلانا عالىمجانقىزى, EQ
10:33
بۇۇ باس حاتشىسى: بۇل - قازىرگى قوعام ءۇشىن سىني كەزەڭ
بۇۇ باس حاتشىسى انتونيۋ گۋتەرريش كوروناۆيرۋس پاندەمياسى تۋرالى ويىمەن ءبولىستى.
«كوروناۆيرۋس پاندەمياسى — بۇل قازىرگى قوعام ءۇشىن سىني كەزەڭ جانە كوپتەگەن ەلدەر حالىقارالىق قاۋىمداستىقتىڭ قولداۋىنا مۇقتاج»,- دەدى بۇۇ باس حاتشىسى.
ۇيىم جالپى قۇنى جاھاندىق ءجىو-ءنىڭ 10% قۇرايتىن ەكونوميكانى ىنتالاندىرۋ جوسپارىن قابىلداۋدى, شاعىن جانە ورتا بيزنەستى قولداۋدى جانە حالىقتىڭ ءالجۋاز توپتارىنا كومەك كورسەتۋدى ۇسىنادى.
بۇۇ-دا, سونداي-اق, دامۋشى ەلدەرگە, ەڭ الدىمەن, ولاردىڭ قارىز اۋىرتپالىعىن جەڭىلدەتىپ, قولداۋ كورسەتۋ قاجەت دەپ سانايمىن. وسى ماقساتتا COVID-19-عا ارەكەت ەتۋ جانە پاندەميادان كەيىن قالپىنا كەلتىرۋ قورى قۇرىلدى.
اۆتورى: اقمارال اعزامقىزى, EQ
10:27
ءالەمدەگى جاعداي قىسقاشا:
• تۇركىمەنستان باق-قا كوروناۆيرۋس ءسوزىن قولدانۋعا تىيىم سالدى
•ساۋد ارابياسى پاندەمياعا بايلانىستى مۇسىلمانداردان قاجىلىققا بارۋ تۋرالى جوسپار قۇرماۋدى سۇراپ وتىر
• الەمدەگى ءولىم سانى 40 000-نان اسىپ كەتتى
• دۇنيەجۇزى بويىنشا ۆيرۋس جۇقتىرعاندار 800 مىڭنان استى
• رەسەيدە جەتىنشى كۇن قاتارىنان ناۋقاستار سانى ءوسىپ كەلەدى
• يسپانيادا ۆيرۋس جۇقتىرعاندار مەن ءولىم سانى قىتايدان اسىپ كەتتى
• قىرعىزستاندا ۆيرۋس جۇقتىرعاندار سانى 100-دەن استى
• ۋحاندا 1 اپتا بويى جاڭا ناۋقاس تىركەلمەگەن
