ايماقتار • 31 ناۋرىز، 2020

اۋليەاتادا الەۋمەتتىك جەلىلەر ارقىلى ونلاين-بايقاۋلار وتەدى

74 رەتكورسەتىلدى

بۇگىندە كوروناۆيرۋس ىندەتىنىڭ تارالۋىنا بايلانىستى ەلىمىزدە توتەنشە جاعداي ەنگىزىلگەنى بەلگىلى. ەلىمىز بويىنشا وقۋشىلاردى قاشىقتىقتان وقىتۋ جۇزەگە اسۋدا. جاستاردىڭ ۇيدە وتىرعان ۋاقىتىن ءتيىمدى پايدالانۋدى ۇيىمداستىرۋ ماقساتىندا جامبىل وبلىستىق جاستار ساياساتى ماسەلەلەرى باسقارماسى ونلاين جارىستار، دارىستەر مەن باسقا دا وقىتۋ ءىس-شارالارىن وتكىزۋدى قولعا الىپ وتىر.

اتالعان باسقارمانىڭ باسشىسى سەرىكبول بەرىكقوجانىڭ ايتۋىنشا، اعىمداعى جىلدىڭ ءساۋىر ايىندا ونلاين تۇردە وتكىزىلەتىن ءىس-شارالاردىڭ جوسپارى بەكىتىلگەن. جوسپار بويىنشا باسقارمانىڭ الەۋمەتتىك جەلىلەردەگى رەسمي پاراقشالارىندا «Kahoot» ينتەلەكتۋالدى ويىنىنان چەمپيونات ۇيىمداستىرىلادى. مۇندا جاستارعا ونلاين كەڭەس بەرۋ، حاكىم اقىن اباي قۇنانباي ۇلىنىڭ 175 جىلدىعىنا وراي «ولمەيتۇعىن ءسوز قالدىرعان ارتىندا» اتتى كوركەمسوز وقۋ شەبەرلەرىنىڭ بايقاۋى، ءال-ءفارابيدىڭ 1150 جىلدىعىنا وراي «الەمنىڭ ەكىنشى ۇستازى» اتتى پوستتار بايقاۋى سياقتى شارالار وتەدى. سونىمەن قاتار، قازاق، ورىس جانە اعىلشىن تىلدەرىنەن وقىتۋ ساباقتارىن ۇيىمداستىرۋ، جاستارعا پايدالى تاقىرىپتاردا موتيۆاتسيالىق كەشتەر مەن لەكتسيالار ۇيىمداستىرۋ، مەديتسينالىق ماسكا تىگۋ، تىگىن ونەرى، اعاش، تەمىردەن بۇيىمدار جاساۋ سياقتى جاستاردى قىزىقتىراتىن شارالاردى ۇيىمداستىرىپ، ونىڭ بەينەجازباسىن يۋتۋب ارناسىنا ورنالاستىرۋ جانە وبلىسقا تانىمال جاس ونەرپازداردىڭ ونلاين كونتسەرتتەرىن ۇيىمداستىرۋ سياقتى شارالار وتكىزۋ جوسپارلانعان.

«باسقارما الەۋمەتتىك جەلىلەردەگى پاراقشالارى ارقىلى سالالىق باسقارمالاردىڭ قاتىسۋىمەن مەملەكەتتىك قولداۋ تەتىكتەرى، جۇمىسپەن قامتۋ، كاسىپكەرلىك، اۋىل شارۋاشىلىعىن قولداۋ، تۇرعىن ءۇي جانە تاعى دا سول سياقتى تاقىرىپتار اياسىندا تىكەلەي ەفير ارقىلى ونلاين كەڭەس بەرۋدى باستادى. بۇگىندە «مەملەكەتتىك جاستار ساياساتىنىڭ جۇزەگە اسىرىلۋى مەن ۆولونتەرلىك قولداۋ شارالارى»، «COVID-2019» كورونوۆيرۋسىنان ساقتانۋ شارالارى جانە مىندەتتى الەۋمەتتىك مەديتسينالىق ساقتاندىرۋ جۇيەسىنىڭ تيىمدىلىكتەرى» تۋرالى تىكەلەي ەفير ارقىلى ونلاين كەڭەستەر بەرىلدى»، دەيدى سەرىكبول بەرىكقوجا. 

جامبىل وبلىسى

سوڭعى جاڭالىقتار

ۇقساس جاڭالىقتار