ۇننىڭ جانە ناننىڭ باعاسىن تۇراقتاندىرۋ ماقساتىندا «كاسپي» الەۋمەتتىك-كاسىپكەرلىك كورپوراتسياسى ارقىلى «ساۋقىمبەك» جشس-گى جانە «مۇسا نان» جشس-نە اينالىمدى تولىقتىرۋ ءۇشىن جەرگىلىكتى بيۋدجەتتەن 270.0 ملن تەڭگە قارجات بەرىلدى. قازىرگى ۋاقىتتا بيدايدىڭ قورى 550 توننا بولسا, ۇننىڭ قورى 355 توننا. وڭىرگە بيداي 1 كگ. 96 تەڭگەدەن جەتكىزىلىپ, تۇراقتاندىرۋ قورىن قالىپتاستىرۋ ماقساتىندا ۇن وڭىردەگى نان ءوندىرۋشى كاسىپكەرلەرگە 1 كگ. 126 تەڭگەدەن جىبەرىلىپ وتىر.
سونىمەن قاتار, وبلىستىق ازىق-ت ۇلىك تاۋارلارىنىڭ وڭىرلىك تۇراقتاندىرۋ قورىن باسقارۋ جونىندەگى كوميسسياسىمەن الەۋمەتتىك ماڭىزى بار ازىق-ت ۇلىك تاۋارلارىنا باعالاردى تۇراقتاندىرۋ تەتىكتەرىن ىسكە اسىرۋ ماقساتىندا قارىز بەرۋگە 11 كاسىپكەرلىك سۋبەكتىلەرى انىقتالىپ, اينالىمدى تولىقتىرۋ ماقساتىندا 204.7 ملن تەڭگە قاراجاتى بەرىلدى. الەۋمەتتىك ماڭىزى بار ازىق-ت ۇلىك تاۋارلارىن (كارتوپ, ءسابىز, جۋا, قىرىققابات, وسىمدىك مايى, قانت, سارى ماي, ۇن, ءسۇت 2,5%, ماكارون ونىمدەرى, تاۋىق ەتى, كۇرىش, جۇمىرتقا,) ساتىپ الۋ جۇمىستارى «كاسپي» الەۋمەتتىك-كاسىپكەرلىك كورپوراتسياسى جۇرگىزۋدە.
بۇگىنگى تاڭدا وبلىستا ازىق-ت ۇلىك تاۋارلارىنىڭ وڭىرلىك تۇراقتاندىرۋ قورىندا 175.3 ملن تەڭگە قاراجاتى بار. اتالعان قاراجات «كاسپي» اكك» اق-نىڭ ەسەپ شوتىندا. ونىمەن قوسا, الەۋمەتتىك ماڭىزى بار ازىق-ت ۇلىك تاۋارلارىنىڭ 10 ءتۇرى بويىنشا ازىق-ت ۇلىك تاۋارلارىنىڭ قورىن جاساقتاۋعا جەرگىلىكتى بيۋدجەتتەن 683.0 ملن تەڭگە قاراجات بولىنەتىن بولدى.
قر ۇلتتىق ەكونوميكا مينيسترلىگى ستاتيستيكا كوميتەتىنىڭ دەرەكتەرى بويىنشا الەۋمەتتىك ماڭىزى بار ازىق-ت ۇلىك تاۋارلارىنا تۇتىنۋ باعا يندەكسى جىل باسىنان بەرى ماڭعىستاۋ وبلىسىندا – 101,6% قۇرادى. قالالار مەن اۋداندار اكىمدىكتەرى ازىق-ت ۇلىك تاۋارلارىنىڭ باعالارىنا جانە قورلارىنا كۇندەلىكتى مونيتورينگ جۇرگىزىپ وتىر. ازىق-ت ۇلىك تاۋارلارىنىڭ قورى كۇندەلىكتى تولىقتىرىلىپ وتىر جانە جەتكىزىلۋىمەن ەشقانداي كەدەرگىلەر جوق.
وڭىردە ازىق-ت ۇلىك تاۋارلارىنىڭ ءبىر ايلىق قورى بار, ال ۇننىڭ قورى 4 ايعا جەتەدى. مىسالى: كارتوفەلدىڭ 2,5 مىڭ تونناسى, ءسابىزدىڭ 800 تونناسى, جۋانىڭ 1,2 مىڭ تونناسى, كاپۋستانىڭ – 700 تونناسى, ۇننىڭ – 2,1 مىڭ تونناسى, كۇرىشتىڭ 300 تونناسى, قانتتىڭ – 300 تونناسى, ماكارون ونىمدەرىنىڭ – 120 توننمو اسى, ەتتىڭ 1,0 مىڭ تونناسى جانە ت.س.س. ونىمدەرىنىڭ جەتكىلىكتى قورى بار, دەدى مو كاسىپكەرلىك جانە ساۋدا باسقارماسى باسشىسىنىڭ ورىنباسارى كوبەگەن مۇقانبەتجان.
ازىق-ت ۇلىك قاۋىپسىزدىگى وبلىس اكىمى سەرىكباي وتەلگەن ۇلى تۇرىموۆتىڭ ۇدايى باقىلاۋىندا.
سونىمەن قاتار, ايماقتى ءسۇت, نان, ماكارون جانە كونديتەرلىك ونىمدەرمەن قامتاماسىز ەتىپ وتىرعان «بەرەكەت ف» جشس-ءنىڭ دە 1 ايلىق قورى بار. قۇرىلعانىنا 23 جىل بولعان ءوندىرىس وشاعىندا ءسۇت, ماكارون, كونديتەرلىك ونىمدەر ءوندىرىلىپ, نان, توقاشتىڭ بىرنەشە ءتۇرى پىسىرىلەدى. توتەنشە جاعداي كەزىندە سۇرانىستىڭ ارتۋىنا وراي, كاسىپورىن جۇمىسىن كەڭەيتە ءتۇستى. قايماقتىڭ 12 ءتۇرى شىعارىلا باستادى.
-ءبىزدىڭ ونىمدەرگە دەگەن قاجەتتىلىك 3 ەسەگە دەيىن ارتسا دا, ماڭعىستاۋ حالقىن سۇتپەن, ماكارون جانە نان ونىمدەرىمەن قامتاماسىز ەتۋگە, قاجەتتى شيكىزاتىمىز 2 ايعا دەيىن جەتەدى. ءبىز تاۋلىگىنە 15 تونناعا دەيىن ءسۇت ونىمدەرىن, 3 توننا ماكارون جانە 5 تونناعا دەيىن نان مەن توقاش وندىرەمىز. ءبىزدىڭ كۇنىنە 25 تونناعا دەيىن نان پىسىرەتىن مۇمكىندىگىمىز بار. بىراق قازىر 10 تونناداي ۇن ونىمدەرىن شىعارىپ جاتىرمىز, دەيدى كاسىپورىن باسشىسى زارەتا فاتاليەۆا.
كاسىپورىن قازىر ايماقتا كارانتيندە جاتقان ازاماتتاردى ءۇش مەزگىل تاماقپەن قامتىپ وتىر.
ماڭعىستاۋ وبلىسى
