بالاباقشالارداعى اكىمشىلىك جۇمىسكەرلەر سانيتارلىق-ەپيدەميولوگيالىق جانە پروفيلاكتيكالىق شارالاردى كۇشەيتۋى كەرەك.
ودان باسقا:
- بالالارىن بالاباقشاعا, دامىتۋشى مەكتەپتەر مەن باسقا ۇيىرمەلەرگە اپارماۋ مۇمكىندىگى بار اتا-انالارعا ولاردى ۇيدە قالدىرۋعا كەڭەس بەرىلەدى.
- الماتى جانە نۇر-سۇلتان قالالارىندا كارانتين كەزەڭىندە بارلىق مەملەكەتتىك مەكتەپكە دەيىنگى ۇيىمدار جابىلادى, الايدا بالالاردىڭ ورىندارى بەكىتىلەدى جانە ساقتالادى.
- 5 ساۋىرگە دەيىن بالالاردىڭ كەز كەلگەن سپورتتىق, تۋريستىك جانە مادەني ءىس-شارالارعا بارۋىنا تىيىم سالىنادى.
پاندەميانىڭ تارالۋىن ازايتۋ ءۇشىن بىرقاتار قاعيدالاردى ساقتاۋ قاجەت: مەكتەپكە دەيىنگى ۇيىمداردىڭ اكىمشىلىك جۇمىسكەرلەرى وقۋشىلاردىڭ اتا-انالارىمەن جانە جۇمىسكەرلەرمەن جەكە جانە قوعامدىق تازالىق قاعيدالارى تۋرالى اڭگىمە جۇرگىزۋى كەرەك, اتاپ ايتقاندا – قولدى ۇنەمى جۋ جانە ارنايى انتيسەپتيكتەرمەن تازارتۋ قاجەتتىلىگى تۋرالى; ءۇي ىشىندە, ءتىپتى كارانتين كەزىندە دە دەزينفەكتسيالىق قۇرالداردى قولدانا وتىرىپ, مۇقيات تازالاۋدى جۇرگىزۋ كەرەك; اۋا تارتقىشتى جەلدەتۋ شاحتاسىن تازالاۋ (لاستانۋىنا قاراي); تازالاعىش قۇرالداردى جۋعىش جانە دەزينفەكتسيالىق زاتتاردى قولدانىپ شايۋ, قۇرعاتۋ جانە تازا كۇيىندە ساقتاۋ.
