قازاقستان • 31 ناۋرىز، 2020

سەناتتا جەر قويناۋىن پايدالانۋ ماسەلەلەرى بويىنشا پارلامەنتتىك تىڭداۋلار بولادى

7 رەتكورسەتىلدى

سەناتتا وتكەن بىرقاتار پارلامەنتتىك تىڭداۋلار بارىسىندا الەۋمەتتىك باعدارداعى 2020 جىلعى بيۋدجەت الدىندا تۇرعان مىندەتتەردى ورىنداۋعا ارنالعان قوسىمشا قارجى كوزدەرىن انىقتاۋ قاجەتتىگى كوتەرىلگەن اسا ماڭىزدى ماسەلەلەردىڭ ءبىرى بولدى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى.

تىڭداۋ كەزىندە ءبىزدىڭ ەكونوميكامىزدىڭ ەلەۋلى بولىگى شيكىزاتقا قاتىستى ەكەنى جانە تابيعي رەسۋرستارعا، ءبىرىنشى كەزەكتە مۇناي جانە گاز ەكسپورتىنا تاۋەلدى بولۋىنا نازار اۋدارىلدى. الەۋمەتتىك باعدارلامالاردىڭ جوسپارداعىداي دامۋىنا الەمدىك نارىقتاعى مۇناي باعاسىنىڭ تومەندەۋى اسەر ەتۋى ىقتيمال.

بيىلعى جىلدىڭ باسىندا سەنات دەپۋتاتتارىنىڭ وڭىردەگى كەزدەسۋلەرى بارىسىندا جەر قويناۋىن پايدالانۋداعى پروبلەمالار ايماقتاردىڭ ەكونوميكالىق جانە الەۋمەتتىك دامۋىنا اسەر ەتەتىنى تۋرالى ماسەلە كوتەرىلگەن بولاتىن. بۇل ماسەلەلەر جەرگىلىكتى ينفراقۇرىلىمدى دامىتۋدى دا (سۋ، قيىرشىق تاس، ساز جانە ت.ب. سياقتى كوپتەگەن پايدالى قازبالاردى پايدالانۋ)، سونداي-اق جەرگىلىكتى تاۋارلاردى پايدالانۋ مەن قاتتى پايدالى قازبالار جانە كومىرسۋتەگىلەرىن وڭدەۋگە اتسالىساتىن قىزمەتكەرلەردى دە قامتيدى. وسى تالقىلاۋلار بارىسىندا زاڭناماداعى گەولوگيالىق بارلاۋدى دامىتۋعا جانە وڭىرلەردە جاڭا كەلىسىمشارتتار جاساۋعا ەلەۋلى اسەر ەتەتىن كەمشىن جاقتارى انىقتالدى.

جەڭىل ونەركاسىپتى دامىتۋ تۋرالى پارلامەنتتىك تىڭداۋلار بارىسىندا ءىرى جەر قويناۋىن پايدالانۋشىلار كونكۋرستارىن ۇيىمداستىرۋشىلاردىڭ جەرگىلىكتى وندىرۋشىلەردىڭ مۇددەلەرىنە قىسىم كورسەتۋ تۋرالى ماسەلەلەر دە كوتەرىلدى.

قازاقستان رەسپۋبليكاسى پارلامەنتىنىڭ قازىرگى كەزەڭدەگى زاڭ شىعارۋ قىزمەتىنە تالداۋ ناتيجەسى جەر قويناۋى تۋرالى زاڭنامادا ەلەۋلى كەمشىلىكتەر بار ەكەنىن كورسەتىپ وتىر. دەپۋتاتتار جەر قويناۋىن پايدالانۋ ماسەلەلەرىندەگى بىرقاتار ماڭىزدى پروبلەمالارعا، اسىرەسە كومىرسۋتەگىلەر بويىنشا جەر قويناۋىن پايدالانۋ قۇقىعىن بەرۋگە ارنالعان اۋكتسيونداردى وتكىزۋگە قاتىستى تۇزەتۋلەرگە زاڭ جوباسىن ازىرلەۋشىلەردىڭ نازارىن اۋداردى.

زاڭدا قابىلدانعان ەرەجەلەرگە مونيتورينگ جۇرگىزۋ ماقساتىندا ۇكىمەتكە تىكەلەي كەلىسسوزدەر نەگىزىندە كومىرسۋتەگىلەر سالاسىنداعى ۇلتتىق كومپانيالارعا جەر قويناۋىن پايدالانۋ قۇقىعىن بەرۋ ءتارتىبىن ءىس جۇزىندە قولدانۋدىڭ تيىمدىلىگى تۋرالى ساۋالدار جولداندى. الىنعان جاۋاپقا تالداۋ زاڭنامادا گەولوگيالىق بارلاۋ، مۇناي-گاز جانە سوعان قاتىستى بارلىق سالالاردىڭ دامۋىنا تەرىس اسەر ەتەتىن ەلەۋلى ولقىلىقتاردىڭ بار ەكەنىن كورسەتەدى.

سونىمەن قاتار، جەر قويناۋىن پايدالانۋ سالاسىنداعى كوپتەگەن پروبلەمالار دەپۋتاتتاردىڭ اتىنا كەلگەن وتىنىشتەردە دە ايتىلعان.

قازاقستان رەسپۋبليكاسىنىڭ پرەزيدەنتى ق.توقاەۆتىڭ داعدارىسقا قارسى ءىس-قيمىل جوسپارىن ازىرلەۋ، حالىقتى جۇمىسپەن قامتۋدى قولداۋ جونىندەگى ارنايى جوسپاردى دايىنداۋ جونىندەگى ۇكىمەتكە بەرگەن تاپسىرماسى اياسىندا، سونداي-اق قاجەتتى زاڭنامالىق شارالاردى قابىلداۋعا جەدەل ارەكەت ەتۋ ماقساتىندا پارلامەنت سەناتى جەر قويناۋى جانە جەر قويناۋىن پايدالانۋ تۋرالى زاڭنامانىڭ تيىمدىلىگى ماسەلەلەرى بويىنشا پارلامەنتتىك تىڭداۋلار ۇيىمداستىراتىن بولدى.

تىڭداۋلاردا گەولوگيالىق بارلاۋدى دامىتۋعا جانە وڭىرلەردە جۇمىس ورىندارىن اشۋعا كەدەرگىلەردى الىپ تاستاۋعا ىقپال ەتەتىن شارالاردى قابىلداۋ بويىنشا ۇسىنىستار ازىرلەۋ ۇسىنىلادى. سونداي-اق قازاقستاندىق وندىرۋشىلەر ءۇشىن قولجەتىمدى ءارى اشىق جاعدايلاردى جانە جەرگىلىكتى كادرلاردى كەڭىنەن تارتۋدى رەتتەيتىن ءتيىمدى قۇقىقتىق تەتىكتى قۇرۋ ماقساتىندا ءىرى جەر قويناۋىن پايدالانۋشىلار تەندەرىن وتكىزۋدەگى قۇقىق قولدانۋ تاجىريبەسىن تالداۋىن قاراۋ ۇسىنىلادى.

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • بۇگىن، 20:12

ەكى قىلمىستىق توپ ۇستالدى

ايماقتار • بۇگىن، 17:45

بالالار ۇيىندەگى ىزگىلىك شاراسى

ايماقتار • بۇگىن، 15:47

ەلتاڭبا تاريحى تالقىلاندى

رۋحانيات • بۇگىن، 14:54

ۇقساس جاڭالىقتار