قازاقستان • 31 ناۋرىز، 2020

بيولوگيالىق قورعانىس بولىمشەلەرى قازاقستاننىڭ توعىز قالالاسىندا دەزينفەكتسيالاۋ جۇمىستارىن جۇرگىزىپ جاتىر

22 رەتكورسەتىلدى

توتەنشە جاعداي جاريالانعان العاشقى كۇننەن باستاپ نۇر-سۇلتان، الماتى، شىمكەنت، اقتاۋ، اقتوبە، اتىراۋ، قاراعاندى، قىزىلوردا مەن تاراز قالالارىندا ورنالاسقان قۇرىلىس نىساندارى مەن ولارعا قاراستى اۋماقتاردىڭ قارۋلى كۇشتەرى بيولوگيالىق قورعانىس بولىمشەلەرىنىڭ اسكەري قىزمەتشىلەرى ارنايى زالالسىزداندىرۋ جۇمىسىن اتقارۋدا. بۇل تۋرالى «باتىس» وڭىرلىك قولباسشىلىعى ءباسپاسوز قىزمەتى حابارلادى.

اسكەري قىزمەتشىلەردى جاۋىنگەرلەردى جاپپاي جويۋ قارۋىنان ۇرىس الاڭىندا قورعاۋمەن اينالىساتىن ازاماتتىق قورعانىس جۇمىستارىنا تارتۋ – بۇل قاجەتتىلىك بولىپ تابىلادى. قر پرەزيدەنتى – قارۋلى كۇشتەردىڭ جوعارى باس قولباسشىسىنىڭ تاپسىرماسىنا سايكەس دەزينفەكتسيالاۋ جۇمىستارىنىڭ اۋماعى كەڭەيتىلىپ، بيولوگيالىق قورعانىس بولىمشەلەرىنىڭ سانى ارتتىرىلدى.

نۇر-سۇلتان قالاسىندا دەزينفەكتسيالاۋ جۇمىسى قالاي جۇرگىزىلىپ جاتقاندىعى تۋرالى قورعانىس ءمينيسترى نۇرلان ەرمەكباەۆ تەكسەردى. اڭگىمەلەسۋ بارىسىندا ول اسكەري قىزمەتشىلەردىڭ قازاقستان ازاماتتارىنىڭ دەنساۋلىعى مەن اماندىعىن ساقتاۋدا اتقاراتىن جۇمىستارى ماڭىزدى جانە اۋقىمدى ەكەندىگىن ايتا ءوتتى.

-اسكەريلەردىڭ ەرەكشەلىكتەرى – بەيبىت كەزدە ىستەرى كورىنبەي، قيىن كەزەڭدە كومەككە كەلەتىنى بولىپ تابىلادى، دەدى نۇرلان ەرمەكباەۆ ساپتا تۇزەلگەن ساربازدار مەن سەرجانتتارعا ءوز نازارىن اۋدارىپ. ەلىمىزدە قاجەتتى شارالار جاسالىپ، ينفەكتسياعا قاتىستى جاعداي باقىلاۋعا الىنعان، بىراق ءبىراز جيناقتالىپ، ۇستامدىلىق تانىتۋ قاجەت.

-سىزدەرگە تەك باسشىلىقتىڭ عانا ەمەس، تۋعان-تۋىس، دوس جانە بارلىق قازاقستاندىقتاردىڭ نازارى اۋدارىلىپ، قۇرمەت، سەنىم جانە تۇسىنىستىكپەن قاراۋدا، دەدى مينيستر.

اسكەري قىزمەتشىلەردىڭ وزدەرىنىڭ دەنساۋلىقتارىنىڭ قاۋىپسىزدىگىنە دە اسا ءمان بەرۋ كەرەك. ءبىر جاۋىنگەردىڭ عانا سىرقاتى بولىمشەنىڭ عانا ەمەس، بۇكىل اسكەري ءبولىمنىڭ جاۋىنگەرلىك ازىرلىگىنە نۇقسان كەلتىرۋى مۇمكىن. اسكەريلەرگە بارلىق سانيتارلىق-گيگيەنالىق نورمالاردىڭ تالاپتارى قاتاڭ ساقتالىپ، ىندەتتىڭ العاشقى بەلگىلەرىن ءبىلۋ جانە ولار انىقتالعان كەزدە باسشىلىققا جەدەل تۇردە بايانداۋ جونىندە ەسكەرتىلدى.

اسكەريلەردىڭ فيزيكالىق بەلسەندىلىكتى ەسكەرىپ، جەكە قۇرامنىڭ تاماقتانۋ راتسيونىن قايتا قاراستىرىپ، دەنساۋلىقتى قالىپتى جاعدايدا ساقتاۋ ءۇشىن ۆيتاميندەردى بەرۋدى ۇيىمداستىرۋ تاپسىرىلدى. اسكەري قىزمەتشىلەردىڭ كۇن سايىنعى مونشاعا بارۋى، كيىمدەردىڭ ارنايى قۇرالدارمەن تازالاپ، جەكە گيگيەنا قۇرالدارىمەن ۋاقىتىلى قامتاماسىز ەتۋلىلەرى ۇيىمداستىرىلعان. جۇمىس بارىسىندا اسكەري قىزمەتشىلەردىڭ دالادا كوپ ۋاقىت وتكىزۋلەرىنە بايلانىستى سەكتورلار بويىنشا ارنايى بيودارەتحانالار مەن اكىمشىلىك عيماراتتارعا كىرۋگە مۇمكىندىك بەرۋ ماسەلەسى قاراستىرىلۋدا. جۇمىس ەرىتىندىسىنىڭ دايىنداۋ ءادىسىن ساقتاۋ تاپسىرىلىپ، ەكولوگيالىق زاقىم كەلتىرۋدى جويۋ تاپسىرىلدى. دەزينفەكتسيالاۋعا جاتاتىن نىساندار مەن اۋماقتاردى تولىقتاي وڭدەۋ ەسكەرتىلدى. ودان باسقا قۇرالداردى اۋىستىرۋ مەن جوندەۋ جۇمىستارىن جۇرگىزۋ ماسەلەسى شەشىلۋدە.

قورعانىس ۆەدومستۆوسىنىڭ باسشىسى ءوز اتىنان اسكەري قىزمەتشىلەرگە قىزمەتتەرى ءۇشىن، ونىڭ ىشىندە تۇنگى ۋاقىتتا اۋقىمدى قالا نىساندارىن دەزينفەكتسيالاۋعا، قالا ماڭىنا جاقىن ورنالاسقان اۋىل ايماعىن ارنايى وڭدەۋ جۇمىسىنا قاتىسقاندارى ءۇشىنا العىسىن ءبىلدىردى.

 

ماڭعىستاۋ وبلىسى

سوڭعى جاڭالىقتار

Apple Store دۇكەنى نە ءۇشىن قورشالۋدا؟

تەحنولوگيا • بۇگىن، 18:41

قازالىدا 42 جوبا جۇزەگە اسادى

ايماقتار • بۇگىن، 17:47

300 باسپاعا سۋبسيديا بەرىلەدى

ايماقتار • بۇگىن، 17:37

«بايقوڭىر» عارىش كەشەنىنە - 65 جىل

ايماقتار • بۇگىن، 17:30

ۇقساس جاڭالىقتار