ايماقتار • 31 ناۋرىز، 2020

ماڭعىستاۋ: پوليتسەيلەر تۇرعىنداردى توتەنشە جاعداي كەزىندە الاياقتاردان ساق بولۋعا شاقىردى

174 رەتكورسەتىلدى

بەلگىلى بولعانداي، قازاقستاندا 16 ناۋرىزدان 15 ساۋىرگە دەيىن توتەنشە جاعداي ەنگىزىلدى. ءىرى ساۋدا ورتالىقتارى مەن ادامدار كوپ جينالاتىن ورىندار جۇمىستى توقتاتتى، ءىس-شارالار كەيىنگە قالدىرىلدى. الايدا، الەۋمەتتىك جەلىلەر مەن ينتەرنەت رەسۋرستاردا تاراتىلاتىن جالعان اقپارات ادامداردى قورقىتۋدى توقتاتپايدى، دەپ حاباراليدى ماڭعىستاۋ وبلىستىق پوليتسيا دەپارتامەنتى ءباسپاسوز قىزمەتى.

قر-دا جالعان اقپارات تاراتقانى ءۇشىن قىلمىستىق جاۋاپكەرشىلىك قاراستىرىلعان. قىلمىستىق كودەكستىڭ 274-بابىندا: «جالعان اقپارات تاراتۋ» — بۇل قوعامدىق ءتارتىپتى بۇزۋعا نەمەسە ازاماتتاردىڭ نەمەسە ۇيىمداردىڭ قۇقىقتارى مەن زاڭدى مۇددەلەرىنە نەمەسە قوعامنىڭ نەمەسە مەملەكەتتىڭ زاڭمەن قورعالاتىن مۇددەلەرىنە ەلەۋلى زيان كەلتىرەتىن كورىنەۋ جالعان اقپارات تاراتۋ. 274-باپ بويىنشا 1 مىڭ اەك دەيىنگى مولشەردە ايىپپۇل نەمەسە تۇزەتۋ جۇمىستارى، 400 ساعاتقا دەيىن قوعامدىق جۇمىستارعا تارتۋ، ءبىر جىلعا دەيىنگى مەرزىمگە باس بوستاندىعىن شەكتەۋ نەمەسە ايىرۋ سىندى جازا تۇرلەرى كوزدەلگەن. توتەنشە جاعداي رەجيمىندە-3 جىلدان 7 جىلعا دەيىنگى مەرزىمگە باس بوستاندىعىن شەكتەۋ نەمەسە ايىرۋ.

وسى باپ بويىنشا ينتەرنەت رەسۋرستارى مەن الەۋمەتتىك جەلىلەردە تاراتىلعان، شىندىققا سايكەس كەلمەيتىن اقپاراتتىڭ اۆتورلارى مەن تاراتۋشىلارى جاۋاپتى بولادى.

ماڭعىستاۋ پوليتسەيلەرى ازاماتتاردى قىراعى بولۋعا شاقىرادى جانە قازاقستاندا توتەنشە جاعداي ەنگىزىلگەننەن كەيىن جانە كوروناۆيرۋس ىندەتىمەن افەريستەردىڭ ارەكەتتەرى ارالۋاندىعىنا بولۋىنا بايلانىستى ەسكەرتۋ جاسايدى. 

ماڭعىستاۋ وبلىسىنىڭ پوليتسيا دەپارتامەنتى تۇرعىنداردى اسا مۇقيات بولۋعا شاقىرادى جانە بەيتانىس ادامدارعا وزدەرىنىڭ جەكە مالىمەتتەرى مەن ەسەپ نومىرلەرىن حابارلاۋعا بولمايدى دەپ ەسكەرتەدى. قۇقىق قورعاۋ ورگاندارىنىڭ قىزمەتكەرلەرى سونداي-اق الەۋمەتتىك جەلىلەردە تاۋارلاردى ساتىپ الۋ-ساتۋ تۋرالى شارتتار جاساسۋدى، اقشا قاراجاتىن كۇماندى ەلەكتروندىق نەمەسە بانكتىك شوتتارعا اۋدارۋدى، تاۋاردى ەكسپرەسس-تولەم تەرمينالدارى ارقىلى تولەۋدى، جەكە سيپاتتاعى اقپاراتتى اشىق تۇردە ورنالاستىرۋدى ۇسىنبايدى.

 

ماڭعىستاۋ وبلىسى

سوڭعى جاڭالىقتار

الماتىدا تاعى 37 ادام Covid-199 جۇقتىرعان

كوروناۆيرۋس • بۇگىن، 10:20

الاشتىڭ ارداقتىسى ۇلىقتالدى

رۋحانيات • بۇگىن، 10:02

تاپا-تالتۇستەگى توتەنشە جاعداي

ايماقتار • بۇگىن، 08:55

ەرتىستىڭ سۋى ەگىستىككە پايدالى

ايماقتار • بۇگىن، 08:40

ۇقساس جاڭالىقتار