كوروناۆيرۋس • 31 ناۋرىز، 2020

الەمدەگى احۋالعا شولۋ: ۆيرۋس جۇقتىرعاندار 800 مىڭنان استى

246 رەتكورسەتىلدى

بۇل توپتامادا الەمنىڭ 178 ەلىندە تاراعان Covid-19 ۆيرۋسىنا قاتىستى سوڭعى جاڭالىقتاردى جاريالاپ وتىرامىز.

31 ناۋرىزدا Johns Hopkins University (JHU) ۇسىنعان مالىمەت بويىنشا ۆيرۋس جۇقتىرعاندار سانى - 801 400، ءولىم سانى - 38 743، ايىققاندار سانى - 172 657 ادام بولدى (جاڭارتىلعان ۋاقىتى 18:30).

18:27

دۇنيەجۇزى بويىنشا ۆيرۋس جۇقتىرعاندار 800 مىڭنان استى

Johns Hopkins University (JHU) ۇسىنعان مالىمەتكە سەنسەك، دۇنيەجۇزى بويىنشا 801 400 ادام كوروناۆيرۋس جۇقتىرعان، ونىڭ 38 743-ءى قايتىس بولعان. ال 172 657 ناۋقاس ىندەتتى جەڭىپ، ۇيىنە ورالعان.

ۆيرۋس ەڭ كوپ تاراعان ەلدەر:

⚡ اقش - 164 610 جاعداي

⚡  يتاليا - 101 739 جاعداي

⚡  يسپانيا - 94 417 جاعداي

⚡  قىتاي - 82 276 جاعداي

⚡  گەرمانيا - 67 051 جاعداي

ا


17:10

رەسەيدە جەتىنشى كۇن قاتارىنان ناۋقاستار سانى ءوسىپ كەلەدى

رەسەيدە كوروناۆيرۋس جۇقتىرعان ادامدار سانى 2 337-گە جەتتى. بۇگىن جاڭا 500 ناۋقاس انىقتالعان.

جالپى كورشىلەس ەلدە ىندەت جۇقتىرعاندار سانى ءبىر اپتادان بەرى ءوسىپ كەلەدى. بۇگىنگى 500 جاعداي - ەڭ جوعارعى كورسەتكىش.    

121 ادام ايىعىپ ۇيىنە قايتسا، 18 ادام ينفەكتسيادان قايتىس بولعان. 

ا


16:26

يسپانيادا ۆيرۋس جۇقتىرعاندار مەن ءولىم سانى قىتايدان اسىپ كەتتى

دۇيسەنبى مەن سەيسەنبى ارالىعىندا يسپانيادا ءبىر كۇندىك ەڭ كوپ ءولىم سانى تىركەلدى. ۆيرۋستان كەشە ەلدە 849 ادام كوز جۇمدى. 

يسپانيادا بارلىعى 87 956 ناۋقاس تىركەلگەن، بۇل كوروناۆيرۋستىڭ ەپيتسەنترى قىتايداعى كورسەتكىشتەن 5 مىڭ جاعدايعا كوپ. 

ىندەتتەن قايتىس بولعاندار سانى دا قىتايدان ەكى ەسە كوپ. يسپانيادا 7 716 ناۋقاس Covid-19 ۆيرۋسىنان كوز جۇمدى.

وسىلايشا، ول الەمدە ۆيرۋس كوپ تاراعان اقش پەن يتاليادان كەيىنگى ءۇشىنشى مەملەكەتكە اينالدى.

ۆ    


15:27

قىرعىزستاندا ۆيرۋس جۇقتىرعاندار سانى 100-دەن استى

بۇگىن ەلدە ۆيرۋس جۇقتىرۋدىڭ جاڭا 13 دەرەگى تىركەلدى، قازىر قىرعىزستاندا بارلىعى 107 ادام ىندەت جۇقتىرعان. ونىڭ ىشىندە بىشكەك قالاسىندا - 1، نارىن وبلىسىندا – 3، ىستىقكول وبلىسىندا - 2، شۋ قالاسىندا – 1، وش قالاسىندا – 5، جالالاباد وبلىسىندا – 1 جاعداي تىركەلدى.

ناۋقارستاردىڭ 49-ى ەر جانە 58-ءى ايەل. 15 جاسقا دەيىنگى 11 ازامات ۆيرۋس جۇقتىرعان، ونىڭ ەكەۋى ءبىر جاسقا تولماعان ءسابي. 31 ەگدە جاستاعى ناۋقاس بار.

25 ناۋرىزدان 15 ساۋىرگە دەيىن بىشكەك، وش، جالال-اباد قالالارىندا، وش وبلىسىنىڭ نووكات، كارا-سۋي اۋداندارىنىڭ اۋماعىندا جانە جالال-اباد وبلىسىنىڭ سوزاق اۋدانىندا توتەنشە جاعداي رەجيمى جاريالانعان.


12:34

ۋحاندا 1 اپتا بويى جاڭا ناۋقاس تىركەلمەگەن

كوروناۆيرۋستىڭ ەپيتسەنترىنە اينالعان قىتايدىڭ ۋحان قالاسىندا بۇگىن ۆيرۋس جۇقتىرعان ناۋقاستىڭ تىركەلمەگەنىنە 1 اپتا بولدى.

ەكى اي بويى كارانتيندە بولعان قالا تۇرعىندارى جايلاپ قالىپتى ومىرىنە ورالىپ جاتىر.

قالاداعى كارانتين تولىعىمەن 8 ءساۋىر كۇنى اياقتالادى. كارانتين كەزىندە ۋحان قالاسى مەن اينالاسىنداعى وڭىرلەردە 56 ملن ادام ۇيىندە وتىردى.

كەشەدەن باستاپ قالاداعى كەيبىر بيزنەس جانە ساۋدا ورتالىقتارى قايتا اشىلا باستادى. دەگەنمەن تۇرعىندار سىرتقا شىعۋعا ءالى دە قورقىپ وتىر. قوعامدىق كولىكتەر دە قايتا جۇمىس ىستەي باستادى. 

قىتاي كەشە ۆيرۋس جۇقتىرۋدىڭ 48 دەرەگى تىركەلگەنىن حابارلادى، بارلىعى شەتەلدەن كەلگەن تۇرعىنداردان تابىلعان. ودان بولەك حۋبەي پروۆينتسياسىندا ءبىر ناۋقاس قايتىس بولعان.  

ۆ

سۋرەت: Reuters


11:27

قازاقستانعا كورشىلەس ەلدەردەگى جاعداي قانداي؟

⚡ قىرعىزستان - 94 جاعداي، قايتىس بولعاندار جوق، 3 ادام ايىققان

⚡ وزبەكستان - 150 جاعداي، 2 ادام قايتىس بولدى، 7 ناۋقاس ايىقتى

⚡ رەسەي - 1 836 جاعداي، 9 ادام قايتىس بولدى، 66 ناۋقاس ايىقتى

⚡ قىتاي - 82 240 جاعداي، 3 309 ادام قايتىس بولدى، 76 194 ناۋقاس ايىقتى (ۆيرۋس وشاعى)

⚡ تۇركمەنستاندا رەسمي ۆيرۋس جۇقتىرعاندار تىركەلگەن جوق. 


10:40

اقش-تا ۆيرۋستان قايتىس بولعاندار سانى 3 مىڭنان استى

Johns Hopkins University مالىمەتىنە سايكەس، اقش-تا 3 164 ادام كوروناۆيرۋستان كوز جۇمعان.

اقش-تا كوروناۆيرۋستان قايتىس بولعاندار سانى 11 قىركۇيەكتەگى لاڭكەستىك شابۋىلداردىڭ قۇرباندار سانىنان اسىپ ءتۇستى. 2001 جىلى دۇنيەجۇزىلىك ساۋدا ورتالىعى مەن پەنتاگونعا شابۋىل كەزىندە 2977 ادام قازا تاپتى.

ەلدە قازا بولعان ناۋقاستاردىڭ كوپشىلىگى  نيۋ-يورك شتاتىنىڭ تۇرعىندارى، وڭىردە 1200 ءولىم تىركەلدى.

d


10:17

الەمدە 785 979 ادام كوروناۆيرۋس جۇقتىردى

س

 

10:12

الەمدەگى جاعداي قىسقاشا:

• يزرايل پرەمەر-ءمينيسترى بينيامين نەتانياحۋ كومەكشىسى ۆيرۋس جۇقتىردى

• توكيو وليمپياداسى كەلەسى جىلى 23 شىلدە مەن 8 تامىز ارالىعىندا وتەتىن بولدى. 

• دجەك مانىڭ قايىرىمدىلىق قورى قازاقستانعا گۋمانيتارلىق كومەك كورسەتەدى

• گونكونگتا 31 جاستاعى ەر ادام ءۇي كارانتينىن بۇزعانى ءۇشىن 3 ايعا تۇرمەگە جابىلدى.   

• ەۋروپا ەلدەرى مەن اقش ۆيرۋس كوپ تارالعان ايماقتارعا اينالدى

• يوردانيادان سيدنەيگە ورالعان اۋستراليا ازاماتى 14 كۇندىك كارانتيندى بۇزعانى ءۇشىن قاماۋعا الىنعان.

سوڭعى جاڭالىقتار

ۇقساس جاڭالىقتار