ليۆيانىڭ بۇرىنعى باسشىسى مۋامار كاددافيدىڭ ەكىنشى ۇلى – سەيف ال-يسلام كاددافيگە قاتىستى سوت ءىسى 19 قىركۇيەكتە باستالادى. بۇل تۋرالى «ريا نوۆوستي» حابارلادى.
ليۆيانىڭ باس پروكۋرورى ابدەل كادير رادۆان 19 قىركۇيەكتە سەيف ال-يسلامنىڭ قىلمىستىق ءىسىن قاراۋ باستالادى دەپ وتىر. سەيف ال-يسلام 2011 جىلدىڭ كۇزگى وقيعاسىندا اسكەري قىلمىس جاسادى, مەملەكەتتىك تۋدى قورلادى دەپ ايىپتالۋدا. ول سونداي-اق ەلدىڭ ۇلتتىق قاۋىپسىزدىگىنە نۇقسان كەلتىرۋى مۇمكىن ادام رەتىندە دە سوت الدىندا جاۋاپ بەرمەك.
حالىقارالىق سوت وكىلدەرى مۋامار كاددافيدىڭ ۇلىنا ليۆيا سوتى ۇكىم شىعارۋعا دايىن ەمەس, سوندىقتان سەيف ال-يسلامدى گااگا تريبۋنالىنا بەرگەن ءجون دەپ سانايدى.
سول سياقتى, سەيف ال-يسلامنىڭ قورعاۋشىسى دا سوتتىڭ ليۆيادا وتكەنىنە قارسى. ويتكەنى, ول مۇندا ءوزىنىڭ قورعاۋىنداعى ادامعا ءولىم جازاسى كەسىلىپ كەتۋى مۇمكىن دەپ قاۋىپتەنەدى.
جالپى, سەيف ال-يسلام 2011 جىلدىڭ كۇزگى وقيعالارىنا دەيىن مۋامار كاددافيدىڭ ورنىن باساتىن تاق مۇراگەرى دەپ ەسەپتەلىنىپ كەلگەن. الايدا, ول 2013 جىلدىڭ قاراشا ايىندا نيگەرياعا ءوتىپ كەتپەك بولىپ جاتقان كەزدە ليۆيا ۇلتتىق ۋاقىتشا كەڭەسى قارۋلى كۇشتەرىنىڭ پارمەنىمەن تۇتقىندالعان.
تاعى ءبىر ايتا كەتەر ءجايت, اتالعان ەلدىڭ بارلاۋ قىزمەتىنىڭ بۇرىنعى باسشىسى ابدال اس-سەنۋسسيدىڭ ءىسى دە 19 قىركۇيەكتە باستالماق. ول دا 2011 جىلدىڭ كۇزىندە بولعان ليۆياداعى وقيعالار بارىسىندا اسكەري قىلمىس جاساعان دەپ ايىپتالۋدا.
جولدىباي بازاروۆ.
