- قاراساي اۋدانىنىڭ كەمەرتوعان اۋىلىندا تۇراتىن 41 جاستاعى ايەلدىڭ ۆيرۋس جۇقتىرعانى انىقتالىپ, قاراساي اۋداندىق ينفەكتسيالىق اۋرۋحاناسىنا جاتقىزىلدى. وعان قوسا ناۋقاسپەن قارىم-قاتىناستا بولعان 6 ادام, سونىڭ ىشىندە ازاماتشانىڭ كۇيەۋى مەن 2020 جىلى تۋعان ءسابيى دە كارانتينگە الىندى. ال ۆيرۋس بەلگىسى انىقتالعان ەكىنشى ادام ەڭبەكشىقازاق اۋدانى ەسىك قالاسىنىڭ تۇرعىنى. ول ءوز اعايىن-تۋىستارىمەن بىرگە وزبەكستان رەسپۋبليكاسىنىڭ اۋماعىندا وتكەن ۇيلەنۋ تويىنا بارعان. جەكە اۆتوبۋس مىنگەن 14 ادامنىڭ وزبەكستاننان كەلگەنى تۋرالى مالىمەتتەردى تۇركىستان وبلىسىنداعى سانيتارلىق-ەپيدەميولوگيالىق ماماندار حابارلاپ, وبلىسقا كەلگەن بەتتە ولار پروۆيزورلىق ستاتسيونارعا جاتقىزعان. سونىڭ ىشىندە 1960 جىلى تۋعان ازاماتشادان ۆيرۋس انىقتالىپ, قازىر ول دا قاراساي اۋداندىق ينفەكتسيالىق اۋرۋحاناسىنا جاتقىزىلدى, ال قارىم-قاتىناستا بولعان وزگەلەرى كارانتيندە, - دەدى وقيعاعا وراي مالىمدەمە جاساعان الماتى وبلىسى اكىمنىڭ ءباسپاسوز قىزمەتى.
الماتى وبلىسى
