2005 جىلى 9 قاراشادا ەلورداداعى نازارباەۆ ورتالىعىندا, استانا قالاسى مەملەكەتتىك فيلارمونياسى ۇيىمداستىرعان «سەركەسى سەرىلىكتىڭ – سەگىز سەرى» دەگەن ءان كەشى وتكىزىلدى. ءىس-شارا ەل قورعانى – باتىر, اقىن, ءارى ءانشى-سازگەر مۇحامەدقاناپيا باھرام ۇلى شاقشاقوۆتىڭ شىعارماشىلىعىنا ارنالعان ەدى. حالىق كوپ جينالدى. كەشكە ارنايى شاقىرىلعان قازاقستاننىڭ ەڭبەك سىڭىرگەن قايراتكەرلەرى, كومپوزيتور جولامان تۇرسىنباەۆ پەن جازۋشى راحىمجان وتارباەۆ قاتىستى. كەش وتكەن 2005 جىلى سەگىز سەرى تۋرالى داۋدىڭ ءورشىپ تۇرعان كەزى بولاتىن.
اۆتور تۋرالى انىقتاما
قايىرجان ماقانوۆ 1940 جىلى قوستاناي وبلىسىنىڭ امانگەلدى كەنتىندە دۇنيەگە كەلگەن. الماتى كونسەرۆاتورياسىن بىتىرگەن. ا.جۇبانوۆ, ل.حاميدي, ح.تاستانوۆ, پ.اراۆين, ب.ەرزاكوۆيچ سىندى ونەر قايراتكەرلەرىنەن ءدارىس العان. ءو.جانىبەكوۆ ۇيىمداستىرعان فولكلورلىق «شەرتەر» ءانسامبلىنىڭ تۇڭعىش كوركەمدىك جەتەكشىسى. اتىراۋ وبلىستىق فيلارمونياسىنىڭ «اتىراۋ-جايىق» ەسترادالىق انسامبلىندە جۇمىس ىستەدى. تورعاي وبلىستىق فيلارمونياسىنىڭ كوركەمدىك جەتەكشىسى جانە ديرەكتورى قىزمەتتەرىن اتقاردى. 1994 جىلى اقمولادا قاليبەك قۋانىشباەۆ اتىنداعى مۋزىكالىق دراما تەاترىنىڭ باس ديريجەرى, 1998-2006 جىلدارى قازاق ۇلتتىق مۋزىكا اكادەمياسىندا ۇستازدىق قىزمەت اتقاردى. قازىر استانا قالاسىنىڭ مەملەكەتتىك فيلارمونياسىندا ونەر زەرتتەۋشى – لەكتور.
_____________________________________________________________
2005 جىلى 9 قاراشادا ەلورداداعى نازارباەۆ ورتالىعىندا, استانا قالاسى مەملەكەتتىك فيلارمونياسى ۇيىمداستىرعان «سەركەسى سەرىلىكتىڭ – سەگىز سەرى» دەگەن ءان كەشى وتكىزىلدى. ءىس-شارا ەل قورعانى – باتىر, اقىن, ءارى ءانشى-سازگەر مۇحامەدقاناپيا باھرام ۇلى شاقشاقوۆتىڭ شىعارماشىلىعىنا ارنالعان ەدى. حالىق كوپ جينالدى. كەشكە ارنايى شاقىرىلعان قازاقستاننىڭ ەڭبەك سىڭىرگەن قايراتكەرلەرى, كومپوزيتور جولامان تۇرسىنباەۆ پەن جازۋشى راحىمجان وتارباەۆ قاتىستى. كەش وتكەن 2005 جىلى سەگىز سەرى تۋرالى داۋدىڭ ءورشىپ تۇرعان كەزى بولاتىن. سەگىز حاقىندا قالام تارتقانداردىڭ كوپشىلىگى سەگىز ومىردە بولعان, ول اقىن-سازگەر, ءانشى-بالۋان دەسە, بازبىرەۋلەر سەگىز دەگەن ومىردە بولماعان, اڭىز ادام, دەپ وزەۋرەگەن. دالەلى قايسى؟ دالەلى – «ايتتىم-ءبىتتى!»...ال, ر.وتارباەۆ سەگىزدىڭ ەرلىگىن, دارىندىلىعىن, باتىرلىعىن, يساتاي-ماحامبەت كوتەرىلىسىنە ءوز توبىمەن كەلىپ قوسىلعاندىعىن ناقتى قۇجاتتار ارقىلى دالەلدەپ, باسپا بەتىنە ماتەريالدار جاريالاعان. (ر.وتارباەۆ. «سەگىز سەرى ومىرىنەن» «قا» 20.09.1991., ر.وتارباەۆ «ماحامبەت پەن بايماعامبەت ءولىمى» «پاراسات» №11, 1990., ر.وتارباەۆ, م.قۇلكەنوۆ «جاڭگىر حان» «ولكە» باسپاسى, 1992 ج.) كەش سوڭىندا ءانشى سەكەن سىزدىقوۆ سەگىزدىڭ «عايني» ءانىن ناشىنە كەلتىرە ورىنداعاننان كەيىن, ستسەناري اۆتورى جانە جۇرگىزۋشىسى وسى جولداردىڭ اۆتورى ساحناعا راحىمجان وتارباەۆتى شاقىرىپ سەگىز سەرى جايىندا ءوز پىكىرىن ايتۋدى سۇرادى. جازۋشى «سەگىز سەرى ومىردە بولعان اسا ءىرى تۇلعا. ول ءانشى-سازگەر, بالۋان عانا ەمەس, ساياتشى مەرگەن ءارى باتىر بولعان. ونىڭ ساربازدارىن ەرتىپ كىشى جۇزگە, يساتاي-ماحامبەتكە كەلىپ قوسىلۋى بۇلتارتپاس شىندىق. وعان دەرەكتەر دە جەتكىلىكتى. مەنىڭ بۇگىنگى ايتايىن دەگەنىم, قازىر اتىراۋ قالاسىندا سايىن قۋانىشەۆ دەگەن دوسىم تۇرادى. ول بۇگىنگى كۇنى اتىراۋداعى ۇلكەن ءساناتوريدىڭ ديرەكتورى – باس دارىگەرى. وقىعان-توقىعانى مول, اقجارقىن دا ادال, ىسكەر جىگىت. سايىننىڭ ءنابيرا دەگەن اجەسى بولدى. اڭگىمەنىڭ مايىن تامىزاتىن. ونىڭ قۇداي قوسقان قوساعى قۋانىش يساتاي-ماحامبەت كوتەرىلىسىنىڭ حاس باتىرى قالدىباي ۇلى قابىلانبايدىڭ لۇقپان دەگەن بالاسىنان تۋعان نەمەرەسى ەكەن. ءنابيرا اجەمىز سول قالدىباي باتىردىڭ «سەن تۇر, مەن اتايىن» دەگەندەي, ون ۇلى مەن عايني اتتى اقىلدى, اسقان سۇلۋ قىزى بولعانىن, وعان ارقادان كەلگەن سەگىز سەرى دەگەن كەرەمەت ونەرلى جىگىت عاشىق بولىپ, «عايني» اتتى تاماشا ءان شىعارعانىن جانە عاينيدىڭ اتا-اناسى مەن اعالارىنا ارناپ ۇزاق ولەڭ شىعارعانىن ابىسىندارىمىزدان ەستۋشى ەدىك», دەپ بىزگە ايتىپ وتىراتىن. سەگىز سەرىنىڭ كىشى جۇزدەگى ەرلىكتەرىن اجەمىز ءجيى ەسكە الاتىن», دەپ رەكەڭ دە ءسوزىن ءتامامدادى.
بۇل وقيعا بىزدەر ءۇشىن اسا جاعىمدى جاڭالىق بولدى. جازۋشىدان سايىن دوسىنىڭ تەلەفون نومەرىن الىپ, سويلەسىپ, حابارلاسىپ تۇردىق...
ەندى, ايتار ءسوزىمىزدىڭ نەگىزگى كەيىپكەرلەرى 1836-1838 جىلدارى يساتاي, ماحامبەت باستاعان ۇلت-ازاتتىق كوتەرىلىسىنە قاتىناسقان, ۇلكەن ەرلىكتەر جاساپ ەلىنىڭ ەسىندە قالعان ەرلەرى بولعاندىقتان, ءبىرجارىم عاسىردان استام ۋاقىتقا شەگىنىس جاساپ, اڭگىمەمىزدى سول كەزەڭنەن باستاساق دەپ وتىرمىز. بۇقارا حالىق اراسىنداعى بۇل قاتتى تولقىنىسقا 7000-نان استام سارباز قاتىناسق
