«توتەنشە جاعدايعا بايلانىستى قازىرگى تاڭدا قالادا كارانتين جاريالاندى. ءبىز بۇنى قۇپتايمىز. پاركتەردىڭ بارلىعى اۆتوموبيلدەردى كۇن سايىن دەزينفەكتسيالاۋدان وتكىزۋ, جۇرگىزۋشىلەردىڭ انتيسەپتيكالىق قۇرالداردى قولدانۋى, سالونداعى تۇتقالاردى, جولاۋشىلارعا ارنالعان ورىنداردى ءسۇرتۋى قاجەتتىگى جايىندا ەسكەرتىلدى. سونداي-اق, جۇرگىزۋشىلەردىڭ ماسكا تاعىپ ءجۇرۋى كەرەكتىگى ايتىلدى», – دەپ ءتۇسىندىردى نۇر-سۇلتان قالاسى كولىك تاسىمالى قاۋىمداستىعىنىڭ اتقارۋشى ديرەكتورى ساكەن حانحوجين.
ونىڭ ايتۋىنشا, ەلورداداعى رەسمي تاكسيدىڭ سۇرانىسىنا قاراماستان ءجۇرۋ قۇنى وزگەرمەگەن. اۆتوموبيلدەر تاۋلىك بويى قىزمەت كورسەتەدى. نۇر-سۇلتان قالاسى كولىك تاسىمالى قاۋىمداستىعىنىڭ جانىندا 13 رەسمي تاكسوپارك بار. تاكسوپاركتەردەگى كولىكتەردىڭ جالپى سانى 600-ءدىڭ شاماسىندا.
