ايماقتار • 28 ناۋرىز، 2020

شىمكەنتتىك جولدار قوعام باقىلاۋىندا

64 رەتكورسەتىلدى

قازاقستان رەسپۋبليكاسىنىڭ سىبايلاس جەمقورلىققا قارسى  ءىس-قيمىل اگەنتتىگىنىڭ شىمكەنت قالاسى بويىنشا دەپارتامەنتى، «جول اكتيۆتەرىنىڭ ۇلتتىق ساپا» ورتالىعىنىڭ قالالىق فيليالى مەن ارنايى مونيتورينگتىك توپ، «شىمكەنت-ادالدىق الاڭى» جوبالىق كەڭسەسى وكىلدەرى جول قۇرىلىسى بارىسىن باقىلاۋ ماقساتىندا رەيدتىك ءىس- شارالار وتكىزدى.

بۇل جولى تۇرعىنداردان شاعىم كوپ تۇسەتىن ا.بايتۇرسىنوۆ كوشەسىندەگى جولدار قوعامدىق جانە ۆەدومستۆولىق باقىلاۋعا الىندى. ارنايى جىلجىمالى زەرتحانانى قولدانۋ ارقىلى جول جيەكتەرى، جول ءجۇرۋ بولىكتەرى، تروتۋارلاردى، سونداي-اق تراسسا ەنىن ولشەۋ جۇزەگە اسىرىلدى.  الىنعان ۇلگىلەر ارنايى ساراپتاماعا جىبەرىلىپ، ناتيجەسىندە سالىنىپ جاتقان وبەكتىگە ءتيىستى باعا بەرىلەتىن بولادى.

مەردىگەر كومپانيا وكىلدەرى جول قۇرىلىسىن تولىعىمەن اياقتاۋ اعىمداعى جىلدىڭ قاراشا ايىنا جوسپارلانعاندىعىن مالىمدەدى.   «جول اكتيۆتەرىنىڭ ۇلتتىق ساپا» ورتالىعىنىڭ قالالىق فيليالى زەرتحانا مەڭگەرۋشىسى قايرات شاكيروۆتىڭ ايتۋىنشا بۇعان دەيىن بۇل جولداردا ساراپتاما جۇرگىزىلىپ، مەردىگەرگە كەمشىلىكتەردى جويۋ بويىنشا حاتتاما جولدانعان. ءوز كەزەگىندە مەردىگەر كومپانيا كەمشىلىكتەردى جويۋ بويىنشا ءتيىستى جۇمىستاردى اتقارۋدا.  

قالالىق سىبايلاس جەمقورلىققا قارسى ءىس-قيمىل اگەنتتىگىنىڭ شىمكەنت قالاسى بويىنشا دەپارتامەنتىنىڭ اعا وفيتسەرى ءسابيت اسىلبەك «ساپالى جول» جوباسىنىڭ ماڭىزدىلىعىنا توقتالىپ، جۇمىستار جالعاسىن تاباتىندىعىن جەتكىزدى.

جالپى، «ساپالى جول» جوباسىن ىسكە اسىرۋ كەزەڭىندە 10-عا جۋىق رەيدتىك ءىس-شارالار ۇيىمداستىرىلىپ، وندا 80-نەن استام بۇزۋشىلىق انىقتالدى، ولاردىڭ بىرقاتارى جويىلدى.

سوڭعى جاڭالىقتار

ۇقساس جاڭالىقتار