باستى باسەكەلەسى رەسەيدەن كوبىرەك داۋىس جيىن جەڭىسكە جەتكەننەن سوڭ اۋستراليانىڭ وكىلدەرىن FIBA-نىڭ باس حاتشىسى اندرەاس زاگكليس قۇتتىقتادى.
«اۋستارليانىڭ باسكەتبولداعى بەدەلى وتە زور. 2018 جىلى ايەلدەر اراسىندا وتكەن الەم چەمپيوناتىندا سول ەلدىڭ كومانداسى تاماشا ونەر كورسەتىپ, كۇمىس مەدالدى يەلەندى. وسى جايتتىڭ ءوزى جاسىل قۇرلىقتا ايتۋلى سپورت ءتۇرىن اسا جوعارى دەڭگەيدە دامىتۋ ءۇشىن قولايلى جاعدايدىڭ بارلىعى جاسالىپ جاتقاندىعىن اڭعارتادى. سول سەبەپتى دە ءبىز ەكى جىلدان كەيىن سيدنەيدە جالاۋى جەلبىرەيتىن الەمدىك دودانىڭ ۇيىمداستىرىلۋ دەڭگەيى كەرەمەت بولاتىنىنا قىلاۋداي دا كۇمانىم جوق», - دەپ زاگكليس مىرزا ءوز ويىن ءبىلدىردى.
