قازاقستان • 28 ناۋرىز، 2020

كوروناۆيرۋستى انىقتايتىن ەكسپرەسس-تەست قازاقستاندا قانشا تۇرادى؟

85 رەتكورسەتىلدى

ەلىمىزدىڭ تۇرعىندارىن كوروناۆيرۋسقا تەكسەرۋدى «وليمپ» كلينيكالىق-دياگنوستيكالىق ورتالىعى قولعا الادى. ولاردىڭ مالىمەتىنشە، ەكسپرەسس-تەستتەن ءوتۋ قۇنى شامامەن 4000-5000 تەڭگە ارالىعىن قۇراماق.

بۇل تەستتەن الدىمەن كوروناۆيرۋستى جۇقتىرعان ادامدارمەن جاقىن بايلانىستا بولعان ازاماتتار وتەدى. مۇنداي تۇرعىنداردى ساراپتامادان تەگىن وتكىزۋدى ء«سابي» قايىرىمدىلىق قورى موينىنا الىپ وتىر. ول ءۇشىن ازاماتتار «وليمپ» كدو رەسمي سايتىنداعى ارنايى ۇسىنىلعان انكەتانى تولتىرۋى كەرەك. سۇراق-جاۋاپتى ەپيدەميولوگ-ماماندار ساراپقا سالادى دا تەستتەن وتۋگە ءتيىس پاتسيەنتتەردى ىرىكتەيدى.

ەكسپرەسس-تەستتىڭ العاشقى لەگى 50 مىڭ دانادان الدىمەن نۇرسۇلتان جانە الماتى قالالارىنا كەلىپ تۇسەدى. ارنايى سۇرىپتالعان ازاماتتار تەكسەرىلىپ بولعاننان كەيىن زەرتحانا تەستتى اقىلى نەگىزدە جۇرگىزە باستايدى، ونىڭ ۋاقىتى قوسىمشا حابارلانادى.

اقىلى ەكسپرەسس-تەستتەر قازاقستاننىڭ بارلىق قالاسىندا جۇرگىزىلەتىن بولادى. ءوزىنىڭ ۆيرۋستان ساۋ ەكەنىنە مەديتسينالىق جولمەن كوز جەتكىزگىسى كەلگەن ادام قالاۋى بويىنشا اقىلى تەست تاپسىرىپ، تەكسەرىلە الادى. 

قىمبات توقتامۇرات

سوڭعى جاڭالىقتار

جۇزدەگەن تۇرعىنعا جۇمىس تابىلدى

ايماقتار • بۇگىن، 12:44

ۇقساس جاڭالىقتار