پارلامەنت سەناتى توراعاسىنىڭ ورىنباسارى قايرات يششانوۆ بەلگيا كورولدىگىنىڭ قازاقستانداعى توتەنشە جانە وكىلەتتى ەلشىسى دانيەل بەرترانمەن كەزدەستى.
پارلامەنت سەناتى توراعاسىنىڭ ورىنباسارى قايرات يششانوۆ بەلگيا كورولدىگىنىڭ قازاقستانداعى توتەنشە جانە وكىلەتتى ەلشىسى دانيەل بەرترانمەن كەزدەستى.
سەنات توراعاسىنىڭ ورىنباسارى قازاقستان-بەلگيا قاتىناستارىن دامىتۋداعى د.بەرتراننىڭ ەلەۋلى ۇلەسىن اتاپ ءوتتى.
قازاقستان مەن بەلگيانىڭ اراسىندا ديپلوماتيالىق قارىم-قاتىناستار ورناعانىنا 20 جىل تولىپ وتىر. وسى جىلداردا جۇيەلى ساياسي ۇنقاتىسۋ قالىپتاستى. پارلامەنتارالىق ىنتىماقتاستىق ونىڭ ماڭىزدى قۇرامى بولىپ تابىلادى, دەپ اتاپ ءوتتى ق.يششانوۆ.
ەكى ەلدىڭ پارلامەنتتەرىندە دوستىق توبى قىزمەت ەتەدى. توراعا ورىنباسارى وسى جىلدىڭ كۇزىندە «بەلگيا-قازاقستان» دوستىق توبىنىڭ جەتەكشىسى دە كروو مىرزا باستاعان بەلگيالىق دەپۋتاتتاردىڭ ساپارى پارلامەنتارالىق ءۇنقاتىسۋعا قوسىمشا سەرپىن بەرەتىنىنە سەنىم ارتتى.
– قازاقستان پارلامەنتىنىڭ دەپۋتاتتارى بەلگيالىق ارىپتەستەرىمەن ەكىجاقتى ىنتىماقتاستىقتى نىعايتۋمەن بىرگە ەقىۇ, ناتو جانە ەۋروپا كەڭەسىنىڭ پارلامەنتتىك اسسامبلەيالارى سەكىلدى حالىقارالىق پارلامەنتتىك ۇيىمدارمەن كوپجاقتى بايلانىستاردى دامىتۋعا نيەتتەنىپ وتىر, – دەپ اتاپ ءوتتى ق.يششانوۆ.
كەزدەسۋ بارىسىندا اڭگىمەلەسۋشىلەر ەكونوميكا جانە مادەني-گۋمانيتارلىق سالاداعى ەكىجاقتى ىنتىماقتاستىق ماسەلەلەرىن دە تالقىلادى. ق.يششانوۆ بەلگيالىق كومپانيالاردىڭ وكىلدەرىن 2012 جىلى استانادا وتەتىن ەحرو-2017 حالىقارالىق كورمەسىنە قاتىسۋعا شاقىردى, دەپ حابارلادى قازاقستان رەسپۋبليكاسى پارلامەنتى سەناتىنىڭ ءباسپاسوز قىزمەتى.
