ايماقتار • 26 ناۋرىز، 2020

ماڭعىستاۋلىقتار مەملەكەتتىك قىزمەتتەردى ونلاين الۋدا

17 رەتكورسەتىلدى

كوروناۆيرۋس ينفەكتسياسىنىڭ تارالۋىن بولدىرماۋ شارالارىن كۇشەيتۋ ماقساتىندا حالىققا قىزمەت كورسەتۋ ورتالىقتارىنىڭ جۇمىسى ۋاقىتشا توقتاتىلدى. ماڭعىستاۋلىقتار مەملەكەتتىك قىزمەتتەردى تەك ونلاين الاتىن بولادى. بۇل تۋرالى مو قوعامدىق كوممۋنيكاتسيا ورتالىعىندا وتكەن بريفينگتە «ازاماتتارعا ارنالعان ۇكىمەت» مەملەكەتتىك كوروپوراتسياسىنىڭ مو بويىنشا ديرەكتورى بايجىگىت ەربول بەردىباي ۇلى ايتتى.

قازاقستاندىقتارعا بۇگىنگى تاڭدا مەملەكەتتىك قىزمەتتەردىڭ 80%-ى ەلەكتروندىق ۇكىمەت پورتالى ارقىلى قولجەتىمدى، سونداي-اق قاجەتتى انىقتامالاردى eGov Mobile ءموبيلدى قوسىمشاسى جانە تەلەگرامداعى egovkzbot2.0 بوتى ارقىلى الۋعا بولادى.

حقو-نىڭ ەڭ تاجىريبەلى دەگەن جانە ارنايى وقۋدان وتكەن 1800-دەن استام قىزمەتكەرى 1414 بايلانىس ورتالىعىنىڭ كەڭەس بەرۋشىلەرىمەن بىرگە ازاماتتارعا مەملەكەتتىك قىزمەتتەردى ونلاين تۇردە الۋ بويىنشا كومەك كورسەتەتىن بولادى.

ءبىر ۋاقىتتا بايلانىس ورتالىعىنىڭ ماماندارى مىڭنان استام ازاماتقا كەڭەس بەرە الادى دەپ جوسپارلانۋدا. بايلانىس ورتالىقتارى دۇيسەنبىدەن سەنبىگە دەيىن تاڭعى 9.00-دەن كەشكى 20.00-گە دەيىن جۇمىس ىستەيدى. قوڭىراۋ شالۋ تەگىن.بۇدان بولەك، ازاماتتارعا ارنالعان ۇكىمەتتىڭ 200-دەن استام قىزمەتكەرى بەينەقوڭىراۋ ارقىلى قىزمەت الۋشىلاردى ءموبيلدى ازاماتتار بازاسىندا تىركەيتىن بولادى.

بۇل رەتتە، 21 ناۋرىزعا دەيىن ءوتىنىش بەرىپ ۇلگەرگەن ازاماتتار قىزمەتتەردىڭ دايىن ناتيجەسىن ءوزى ءوتىنىش بەرگەن حقو-نىڭ قۇجات بەرۋ سەكتورىنان الىپ كەتە الادى. ءاۆتوموبيلدى قايتا تىركەگەن نەمەسە جۇرگىزۋشى كۋالىگىن ونلاين تۇردە اۋىستىرعان اۆتوكولىك يەلەرى دايىن قۇجاتتار مەن نومىرلەردى ءوز قالالارىنداعى مامانداندىرىلعان حقو-دان الا الادى، وندا دا دايىن قۇجاتتاردى بەرۋ تەرەزەسى جۇمىس ىستەيتىن بولادى.

«ازاماتتارعا ارنالعان ۇكىمەت» مەملەكەتتىك كوروپوراتسياسىنىڭ مو بويىنشا ديرەكتورى ە. بايجىگىت بريفينگتە ماڭعىستاۋلىقتارعا بارلىق سانيتارلىق تالاپتاردى ورىنداپ، ۇيدەن شىقپاۋعا كەڭەس بەردى جانە كەرەكتى مەملەكەتتىك قىزمەتتەردى ونلاين الۋعا شاقىردى.

 

ماڭعىستاۋ وبلىسى                  

سوڭعى جاڭالىقتار

ىستىق تاماق تاراتتى

قازاقستان • كەشە

ۇقساس جاڭالىقتار