جاڭا اۋرۋحانا تۇرعىندار يگىلىگى ءۇشىن

اۋدان ورتالىعى جەلەزينكا اۋىلىندا سالىنعان بۇل مەديتسينا مەكەمەسى  “100 مەكتەپ, 100 اۋرۋحانا” مەملەكەتتىك باعدارلاماسى بويىنشا جۇزەگە استى. جاڭا عيمارات اۋدان ورتالىعىنا دا ءسان بەرىپ, جارقىراپ تۇر. اۋدان رەسەيدىڭ شارلاق اۋدانىمەن شە­كارالاس ورنالاسقان. اۋرۋحانا ءۇيىنىڭ قۇرىلىسىنا رەسپۋبليكالىق بيۋدجەت قارجىسىنان 911 ميلليون تەڭگە جۇمسالدى. قۇرىلىستى وبلىسقا تانىمال  “ستال­مونتاج” جاۋاپكەرشىلىگى شەكتەۋلى سەرىكتەستىگى جۇرگىزدى. 60 ورىندىق اۋرۋحانا جانىندا ەمحانا دا بار, ول كۇنىنە  100 ادامدى قابىلداي الادى. سونىمەن قاتار, اۋرۋحانادا پەرزەنتحانا مەن جەدەل جاردەم پۋنكتى دە جۇمىس جاسايدى. اۋداندىق اۋرۋحانانىڭ باس دارىگەرى گۇلبارام وسپانوۆانىڭ ايتۋىنشا, جاڭا اۋرۋحانا وسى زامانعا ساي ەمدەۋ قۇرال-جابدىقتارىمەن تولىق قام­تاماسىز ەتىلگەن. اۋىلدىقتار  قالا جاققا بارماي-اق ەندى ءوز اۋدان ورتالىقتارىنا كەلىپ, ەمدەلىپ, تەكسەرىلە الادى. دياگنوستيكالىق مەديتسينالىق قۇرالدار جەتكىلىكتى. وبلىس ورتالىعىنداعى  ەمدەۋ مەكەمەلەرىنەن  كەڭەستەر الىپ تۇرۋ ءۇشىن اۋرۋحانا ورتالىق تەلە­مە­دي­تسينا جۇيەسىنە قوسىلعان. الداعى جىلدارى اس­تاناداعى, الماتىداعى عىلىمي ورتالىقتارمەن  ءتى­كەلەي بايلانىستارعا شىعۋ مۇمكىندىگىنە قول جەت­كىزەدى. اۋدان ورتالىعىنداعى بۇرىنعى ەسكى اۋرۋحانا ەندى قايتا جوندەلىپ كاسىپتىك مەكتەپكە لايىقتالسا,  مەكتەپ  ءۇيى جاڭا بالاباقشاعا اينالادى. بۇل كۇندەرى اۋدان دارىگەرلەرى دەنساۋلىق ساقتاۋدىڭ جاڭا جۇيەسى بويىنشا وزدەرىنە جۇكتەلگەن مىندەتتەر ۇدەسىنەن شىعۋ ءۇشىن جۇمىس ىستەۋدە. فاريدا بىقاي, پاۆلودار وبلىسى.