جاعدايدىڭ ۋشىعىپ بارا جاتقانىن تىلگە تيەك ەتكەن شاھار باسشىسى ءوزىنىڭ Instagram پاراقشاسىندا:
«قۇرمەتتى الماتىلىقتار! كوروناۆيرۋسقا قاتىستى جاعداي ءبىز ويلاعاننان الدەقايدا قاۋىپتىرەك بولدى. قاۋىپتى جەتە تۇسىنبەۋ – جاۋاپسىزدىق جانە قىلمىسپەن پارا-پار. وكىنىشتىسى سول, كارانتينگە نەمقۇرايلى قاراپ, شەكتەۋ شارالارىن ساقتاماي, حالىقتىڭ ءومىرىن قاۋىپ-قاتەرگە تىككەن جاندار ازايماي تۇر. جۇمىسىن جالعاستىرىپ جاتقان سپورت زالدارى مەن مەيرامحانالار, سانيتارلىق نورمالاردى ساقتاماعان ازىق-ت ۇلىك دۇكەندەرى انىقتالدى. مامانداردىڭ سوزىنە قۇلاق اسپاي, كوشەدە قىدىرىپ جۇرگەن تۇرعىندار دا بار. تارتىپكە باعىنباعاندار ءۇشىن قاتاڭ شارا قولدانىلادى», – دەپ جازدى.
ادامزاتقا قاتەر توندىرگەن ىندەتتەن وڭباي جاپا شەگىپ جاتقان يتاليا, يسپانيا, اقش مەملەكەتتەرى ازاماتتارىنىڭ جان ايقايىن جەتكىزگەن ءتۇرلى بەينەجازبالار الەۋمەتتىك جەلىلەردە تاراپ جاتىر. بۇل بەينەروليكتەر – ماسەلەنىڭ ماڭىزدىلىعىن ەسكەرىپ, ساقتىق شارالارىن بەرىك ۇستانۋعا ۇندەيدى. قوعامنىڭ تۇتاستىعى, مەملەكەتتىڭ بەرىكتىگى, اينالىپ كەلگەندە ءوز وتباسىنىڭ, جەكە باسىنىڭ اماندىعى ءۇشىن ازاماتتار اعىمداعى جاعدايدان ساباق الىپ, قاۋىپسىزدىك شارالارىن قاتاڭ ساقتاسا يگى.
