ساۋالداما ناۋرىزدىڭ 23 باستالىپ, ءبىر تاۋلىكتە 814 كاسىپكەر قاتىستى. ولاردىڭ باسىم بولىگى كارانتينگە جابىلعان نۇر-سۇلتان (22%) جانە الماتى (21%) قالالارىنىڭ ىسكەر ازاماتتارى. اتاپ ايتقاندا, قاتىسقانداردىڭ 23%-ى تۋريزم سالاسىنىڭ وكىلدەرى. سول سەكىلدى 18% جەكە قىزمەت كورسەتۋ, 13% ءبىلىم بەرۋ جəنە ورنالاستىرۋ مەن تاماقتاندىرۋ بويىنشا قىزمەت ۇسىناتىن 98 كاسىپورىن باسشىلارى سۇرالعان.
"814 كاسىپورىندا ۇزىن سانى 14,2 مىڭ قىزمەتكەر ەڭبەك ەتەدى. ساۋالناما ناتيجەسى بويىنشا قىزمەتكەرلەردىڭ 40%-ى كارانتين كەزەڭىدە ەڭبەكاسى ساقتالمايتىن مەرزىمسىز دەمالىسقا كەتەدى. 14% جۇمىستان بوساتىلادى. جۇمىستان بوساتۋ كورسەتكىشى الماتىدا جوعارى (562 ادام نەمەسە ەلدەگى بوساتىلعانداردىڭ 33%-ى). ەكىنشى ورىندا نۇر-سۇلتان قالاسى – 300 ادام. ءۇشىنشى ساتىدا 147 اداممەن قاراعاندى شاھارى جايعاسقان. سونداي-اق ەڭبەكاقىسى ساقتالمايتىن دەمالىسقا شىعارۋدان نەمەسە شىعارۋدى جوسپارلاپ وتىرعانداردىڭ ىشىندە الماتى (31%), نۇر-سۇلتان (21%), الماتى وبلىسى (9%) العاشقى قاتاردا" دەلىنگەن پالاتانىڭ رەسمي سايتىندا.
Əسىرەسە, تۋريزم سەگمەنتىندە جۇمىستان بوساتىلعانداردىڭ قاراسى جوعارى (356 ادام) بولادى دەپ بولجانۋدا. جاعىمسىز ديناميكا ورنالاستىرۋ جانە تاماقتاندىرۋ قىزمەتىندە 19% (320 ادام) كورسەتپەك. ءبىلىم بەرۋ سالاسىندا 12% (199 ادام). ۇلتتىق پالاتا ساراپشىلارىنىڭ پىكىرىنشە, جۇمىستان بوساعانداردىڭ سانى ءəلى وسە تۇسەدى.
جۇمىس ورىندارىن ساقتاۋعا بايلانىستى كəسىپكەرلەر پالاتاسى ۇسىنىس əزىرلەگەن. ونىڭ تولىق نۇسقاسى "اتامەكەن" ۇكپ-نىڭ رەسمي سايتىندا جاريالانعان.
