23 ناۋرىزدا «قازمۇنايگاز» ۇك اق باسقارما توراعاسى اليك ايدارباەۆتىڭ توراعالىعىمەن قمگ-نىڭ جەدەل شتابىنىڭ كەزەكتى وتىرىسى ءوتتى.

جيىن بارىسىندا قمگ باسشىسى بارلىق ەنشىلەس جانە تاۋەلدى ۇيىمدارعا كوروناۆيرۋستىق ينفەكتسيانىڭ الدىن الۋ ءۇشىن سانيتارلىق-ەپيدەميولوگيالىق رەجيمدى كۇشەيتۋدى تاپسىردى. ەسكە سالا كەتەيىك، بۇدان بۇرىن كومپانيا قمگ كومپانيالارى توبى قىزمەتكەرلەرىنىڭ قاۋىپسىزدىگىن بارىنشا قامتاماسىز ەتۋ جونىندە شارالار كەشەنىن قابىلداعان بولاتىن.

بۇدان باسقا، جەدەل شتابتىڭ وتىرىسىندا ەنشىلەس جانە تاۋەلدى ۇيىمداردىڭ بارلىق وندىرىستىك قىزمەتكەرلەرىن مەملەكەتتىڭ توتەنشە جاعداي كەزىندە حالىقتى قولداۋ جونىندە قابىلداپ جاتقان شارالارى تۋرالى حاباردار ەتۋ تاپسىرىلدى. وندىرىستىك نىسانداردا تاماقتاندىرۋ ماسەلەسىندە قيىندىقتاردى بولدىرماۋ ماقساتىندا ازىق-ت ۇلىك تاۋارلارىن ەسەپكە الۋ جانە ساتىپ الۋ ەرەكشە باقىلاۋعا الىندى.

-ونداعان مىڭ ادامدى ەڭبەكپەن قامتىپ جانە سالانىڭ ەكونوميكالىق دامۋىنا ۇلەس قوسىپ وتىرعان ءبىزدىڭ كومپانيا العاشقىلار قاتارىندا بۇل شارالاردى قولداپ، نەگىزگى ءۇش باسىمدىقتى العا قويدى. بىرىنشىدەن – بۇل ءبىزدىڭ قىزمەتكەرلەرىمىز بەن ولاردىڭ وتباسىلارى. ءبىزدىڭ ماقساتىمىز – «قازمۇنايگاز» كومپانيالار توبىندا جانە ەنشىلەس كاسىپورىنداردا ەڭبەك ەتەتىن بارلىق قىزمەتكەرلەرىمىزدىڭ ءاردايىم جۇمىس ورىندارىنان ۇيلەرىنە، وتباسىلارىنا امان-ەسەن ورالۋى. ەكىنشىدەن، ءوندىرىستىڭ قاۋىپسىزدىگى مەن بارلىق وندىرىستىك نىسانداردىڭ ۇزدىكسىز جۇمىس ىستەۋىن قامتاماسىز ەتۋ. ۇشىنشىدەن، كوروناۆيرۋس ىندەتىنىڭ تارالۋىن بولدىرماۋ شارالارىن ىسكە اسىرۋدا، اقپاراتتاندىرۋ جانە بارلىق كۇش-جىگەردى جۇمىلدىرۋدا مەملەكەتتىك ورگاندار جانە جەرگىلىكتى اكىمدىكتەرمەن جان-جاقتى ءوزارا تىعىز جۇمىس ىستەۋ، دەپ اتاپ ءوتتى ا.ايدارباەۆ.

قازىرگى ۋاقىتتا قمگ كومپانيالارى توبىنىڭ 32 قىزمەتكەرى كارانتيندە، سونىڭ ىشىندە 2 قىزمەتكەر اتىراۋ جانە پاۆلودار قالالارىندا ستاتسيونارلىق باقىلاۋعا الىندى، قالعان 30 قىزمەتكەر نۇر-سۇلتان، الماتى، اقتاۋ، اقتوبە، اتىراۋ، پاۆلودار جانە شىمكەنت قالالارىندا ءۇي كارانتينىنە ورنالاستىرىلدى.

سونداي-اق، قمگ-نىڭ 8 قىزمەتكەرى («قازمۇنايگاز» ۇك اق ورتالىق اپپاراتىنىڭ 2 قىزمەتكەرى جانە ەنشىلەس ۇيىمداردىڭ 6 قىزمەتكەرى) ەكى اپتالىق وقشاۋلاۋدان ءوتىپ، قازىر كارانتيننەن شىققانىن حابارلايمىز. ولاردىڭ تەست ناتيجەلەرى تەرىس بولدى.

2020 جىلعى 24 ناۋرىزدا قمگ قىزمەتكەرلەرى اراسىندا كوروناۆيرۋستىق ينفەكتسيانى جۇقتىردى دەگەن راستالعان جاعدايلار تىركەلگەن جوق. جەدەل شتابكا بارلىق ەنشىلەس ۇيىمداردان COVID-19 جانە ىسكە اسىرىلىپ جاتقان پروفيلاكتيكالىق شارالار تۋرالى اقپارات تاۋلىك سايىن كەلىپ تۇسەدى.