ايماقتار • 25 ناۋرىز، 2020

«SADU development» كومپانياسى كارانتين اۋماعىنا 18 000 قۇتى سپيرت ءونىمىن جونەلتتى

30 رەتكورسەتىلدى

وبلىس الماتى قالاسىنىڭ كارانتينگە جابىلىپ، تولىقتاي وقشاۋلانۋى مەگاپوليسپەن ىرگەلەس جاتقان جەتىسۋ جۇرتىن دا الاڭداتىپ وتىر. قازىر قالاعا كومەك قولىن سوزۋعا ىنتالى ادامدار توبى كوبەيىپ كەلەدى. ولاردىڭ قاتارىندا العاشقى بولىپ الماتى وبلىسىنىڭ كəسىپكەرلەرى ءۇن قاتتى.

بۇگىن وبلىس كاسىپكەرلەرىنىڭ اتىنان «SADU development» كومپانياسى الماتىنىڭ توتەنشە جاعدايلار جونىندەگى شتابىنا كومەك جىبەردى. ياعني، كومپانيا مەگاپوليستەگى كوروناۆيرۋسپەن كۇرەس شارالارىنا بەلسەنە قاتىسىپ جاتقان مەديتسينا ماماندارىنا، پوليتسەيلەر مەن اسكەري قىزمەتكەرلەرگە قاجەتتى مەديتسينالىق سپيرت ءونىمىن جەتكىزدى. «SADU development» كومپانياسى جىبەرگەن 18 مىڭ قۇتىداعى سپيرت قازىر ىندەتتەن ساقتانۋ ءۇشىن زالالسىزداندىرۋ ماقساتىنا وتە قاجەت ءونىم بولىپ تۇر. 

- الماتى قالاسى ءبىزدىڭ تۇتىنۋشىلارىمىز تۇراتىن نارىق قانا ەمەس. ەلىمىزدىڭ رۋحاني-مəدەني ورتالىعى رەتىندە بارىمىزگە قىمبات. كارانتين كەزىندە الماتىلىقتاردى جالعىز قالدىرمايمىز. ەلىمىزدىڭ باسقا وڭىرلەرى سياقتى الماتى وبلىسىنىڭ كəسىپكەرلەرى دە مەگاپوليستاعى ۆيرۋسپەن كۇرەس شارالارىنا قولداۋ كورسەتۋگە ءəزىر، - دەيدى «SADU development» كومپانياسىنىڭ ديرەكتورى ەرلان قوجاسباەۆ.

 

الماتى وبلىسى

سوڭعى جاڭالىقتار

ىستىق تاماق تاراتتى

قازاقستان • كەشە

ۇقساس جاڭالىقتار