ەلوردا • 25 ناۋرىز، 2020

ەلوردادا قوعامدىق كولىك قوزعالىسى تولىق توقتاتىلۋى مۇمكىن

107 رەتكورسەتىلدى

كارانتين سالدارىنان نۇر-سۇلتان قالاسىندا قوعامدىق كولىكتىڭ ءجۇرۋ كەستەسى وزگەرەدى دەپ حابارلايدى قازاقپارات CTS كومپانياسىنا سىلتەمە جاساپ.

كومپانيا مالىمەتىنشە، نۇر-سۇلتان قالاسىندا كوروناۆيرۋس ينفەكتسياسىنىڭ تارالۋىنا قارسى جەدەل شتاب شەشىمىمەن 2020 جىلعى 26 ناۋرىزدان باستاپ قوعامدىق كولىكتىڭ جۇمىس كەستەسى وزگەرەدى. اۆتوبۋستاردىڭ جۇمىس كەستەسى ەندى 21:00-گە دەيىن ەمەس، 19:00-گە دەيىن بولادى.

سونىمەن قاتار 28 ناۋرىزدان باستاپ كارانتيندىك ايماققا كىرەتىن قالا ماڭىنداعى بارلىق باعىتتار توقتاتىلادى. ولار: قوسشى، تايتوبە، جىبەك جولى، تالاپكەر، قوياندى، قىزىلسۋات، ى. التىنسارين، نۇرلى اۋىلدارى (№№ 301، 302، 303، 304، 306، 307، 313، 314، 319، 320، 321، 322، 326).

وعان دەيىن، 21 ناۋرىزدان باستاپ كارانتين ايماعىنا كىرمەيتىن قالا ماڭىنداعى اقمول، قابانباي باتىر، ر. قوشقارباەۆ، ماكسيموۆكا، ۆوزدۆيجەنكا، ارشالى، جالتىركول، سوفيەۆكا، مالوتيموفەەۆكا جانە شۇبار (№№ 300، 305، 308، 309، 310، 311، 312، 315، 316، 317 جانە 318) اۋىلدارىنا اۆتوبۋستار توقتاتىلدى. شەكتەۋ شارالارى مەن وزگەرىستەر كارانتين اياقتالعانعا دەيىن ەنگىزىلەدى.

«بۇگىنگى كۇنگە اۆتوبۋستا قولما-قول اقىسىز تولەم جاساۋ - 98 پايىز. COVID-19 جۇقتىرۋ قاۋپىن ازايتۋ ماقساتىندا جولاۋشىلارعا اقىسىز تولەم تۇرلەرىنە وتۋگە كەڭەس بەرىلەدى. بارلىق تاريفتىك جوسپارلاردى جانە كولىكتىك كارتالاردى ءبىزدىڭ كاسسالارىمىزدان، RTVM-اۆتوماتتارىنان، لەزدە تولتىرۋ پۋنكتەرىنەن جانە City Transportation Systems قاشىقتىق سەرۆيستەرىنەن تولىقتىرۋعا بولادى. قاشىقتان تولتىرۋ ورىندارىن، سونىمەن قاتار SMS جانە QR تالاپتارى www.transcard.kz سايتىندا كورسەتىلگەن. كارانتيندىك شارالار قاتاڭداتىلعان جاعدايدا، نۇر-سۇلتان قالاسىندا كوروناۆيرۋس جۇقپاسىنىڭ تارالۋىن بولدىرماۋعا ارنالعان جەدەل شتابىمەن قوعامدىق كولىكتى تولىقتاي توقتاتۋ تۋرالى ماسەلە كوتەرىلۋى مۇمكىن» دەپ اتاپ وتەدى كومپانيادان.

سوڭعى جاڭالىقتار

ىستىق تاماق تاراتتى

قازاقستان • كەشە

ۇقساس جاڭالىقتار