قازاقستان • 25 ناۋرىز، 2020

بىلتىر اقتاۋ تەڭىز پورتى ارقىلى 2 ملن 100 مىڭ توننا مۇناي جونەلتىلدى

25 رەتكورسەتىلدى

بۇگىندە ترانسكاسپي حالىقارالىق كولىك باعىتى بويىنشا قازاقستاندىق تەڭىز پورتتارى ارقىلى قوسىمشا جۇك اعىنىن تارتۋ باعىتىندا جۇرگىزىلىپ جاتقان جۇمىستار بارىنشا ماڭىزدى.

قازىرگى تاڭداعى كورسەتكىش 3900 كونتەينەردى قۇراپ وتىر. ەندى جىلىنا 15 مىڭعا دەيىن جەتكىزۋ كۇن تارتىبىنە قويىلعان.

2019 جىلدىڭ ءساۋىر ايىندا «قازاقستان تەمىر جولى» ۇلتتىق كومپانياسىنىڭ «قازاق تەڭىز كولىك فلوتى» سەرىكتەستىگىمەن بىرلەسە اقتاۋ حالىقارالىق تەڭىز ساۋدا پورتىنان ازەربايجان رەسپۋبليكاسىنىڭ باس قالاسى باكۋگە جانە كەرى باعىتتا ءار اپتا سايىن جونەلتىپ تۇراتىن تۇراقتى فيدەرلىك جەلىنى ىسكە قوسقانى ءمالىم. اتالعان جوبا قازاقستان ءۇشىن ترانسكاسپي حالىقارالىق كولىك باعىتى بويىنشا ءوسىم فاكتورلارىنىڭ ءبىرى دەۋگە بولادى. قازىرگى ۋاقىتتا اقتاۋ-باكۋ اراسىندا كونتەينەرلىك جۇك اعىنى توقتاۋسىز ءجۇرىپ جاتىر.

وتكەن جىلدىڭ جەلتوقسان ايىندا كاسپي تەڭىزىمەن شەكتەسەتىن كورشى مەملەكەتكە جۇك تاسىمالى كولەمىنىڭ ارتۋىنا بايلانىستى «تۇركىستان» قۇرعاق جۇك تاسۋشى كەمەسى مەن «بەكەت اتا» سۋ كولىگى دە وسى جەلىگە قوسىلدى.

- ترانسكاسپي حالىقارالىق كولىك باعىتى دەگەنىمىز، بۇل - تەڭىز پورتتارى ارقىلى جۇكتەردى بىرنەشە رەت اۋدارىپ تيەۋدى تالاپ ەتەتىن ايرىقشا مۋلتيمودالدى باعىت. جاھاندىق ترانسكاسپي كونسورتسيۋمىنىڭ ۇيلەستىرۋشىسى رەتىندە ءبىزدىڭ تاراپىمىزدان ترانزيتتىك جانە سىرتقى ساۋدا جۇكتەرىن تارتۋ باعىتىنداعى جۇمىستار توقتاۋسىز جۇرگىزىلىپ كەلەدى، - دەيدى «KTZ Express» اق ترانسكاسپي حالىقارالىق كولىك باعىتى جانە مۋلتيمودالدى تاسىمالداردى ساتۋ دەپارتامەنتىنىڭ ديرەكتورى ابىلايحان ەسىركەپ.

قۇزىرلى ورىنداردىڭ ايتۋى بويىنشا، ترانسكاسپي حالىقارالىق كولىك باعىتىنا قازاق ەلى تاراپىنان قاتىسۋشىلارىنىڭ جاقسى ۇيلەستىرىلگەن جۇمىسىنىڭ ناتيجەسى ايقىن كورىنىپ كەلەدى. مىسالى، 2018 جىلمەن سالىستىرعاندا بىلتىر تەڭىز ايلاقتارى ارقىلى كونتەينەرلىك جۇك تاسىمالىنىڭ كولەمى 79 پايىزعا وسكەن. وسىنى ءوز كەزەگىندە رەكوردتىق كورسەتكىش دەپ ايتۋعا تولىقتاي نەگىز بار.

بۇل تۇرعىدان قازاق مەملەكەتىنىڭ اۋماعى ارقىلى وتەتىن ترانسكاسپي حالىقارالىق كولىك باعىتى، تراسەكا جانە سولتۇستىك-وڭتۇستىك جاھاندىق كولىك ءدالىزىنىڭ ماڭىزدى قۇرامداس بولىگى رەتىندە «اقتاۋ تەڭىز سولتۇستىك تەرمينالى» سەرىكتەستىگىنىڭ ورنى بولەك دەپ ايتۋعا بولادى. بۇگىندە اقتاۋ تەڭىز سولتۇستىك تەرمينالىنان جۇكتەردى وتكىزىپ تاسىمالداۋ نەگىزىنەن يران يسلام رەسپۋبليكاسى، رەسەي فەدەراتسياسى مەن ءازىربايجان ەلىنىڭ تەڭىز پورتتارىنا باعىتتالعان. 

- جۇكتەردى اۋدارىپ قايتا تيەۋ بويىنشا تەرمينالدىڭ جىلدىق قۋاتى 3 ملن توننانى قۇرايدى. ولاردى باس جۇكتەر مەن استىق دەپ بولەتىن بولساق، ارقايسىنا 1،5 توننادان كەلەدى. ال كونتەينەرلەردى اۋىستىرىپ تيەۋ بويىنشا تەرمينالدىڭ ينفراقۇرىلىمدىق مۇمكىندىگى جىلىنا 20 فۋتتىق بالامامەن 70 مىڭنان استام كونتەينەردى قۇرايدى. ءوز كەزەگىندە ءبىر مەزەتتە 6 مىڭ دانا كونتەينەردى ساقتاۋ مۇمكىندىگى جانە بار، - دەيدى «اقتاۋ تەڭىز سولتۇستىك تەرمينالى» جشس باس ديرەكتورىنىڭ ورىنباسارى نۇرلان تولەۋعاليەۆ.

ەلىمىزدىڭ ەكىنشى تەڭىز ايلاعى سانالاتىن قۇرىق پارومدىق كەشەنىنىڭ دە ترانسقازاقستاندىق ءترانزيتتى دامىتۋدا ءرولى جوعارى.اتالعان تەڭىز پورتى پايدالانۋعا بەرىلگەن كەزەڭنەن بەرى ونىڭ قىزمەتكەرلەرى 1394 كەمەنى قابىلداپ، 4 جارىم ملن تونناعا جۋىق جۇكتەردى اۋىستىرىپ تيەگەن.

- بىلتىر ءبىر ملن 400 مىڭعا تارتا ءارتۇرلى جۇكتى اۋىستىرىلىپ، قايتا وتكىزىلدى. ونىڭ 853 مىڭ تونناسى يمپورت، قالىپ تۇرعان 512 مىڭ تونناسى ەكسپورتتىق باعىتتاعى جۇكتەر. قازىرگى ۋاقىتتا قۇرىق پورت كەشەنى ارقىلى سىرت مەملەكەتتەرگە قازاقستاندىق استىق پەن كومىر، مۇناي جانە حيميا ونىمدەرى، تىڭايتقىشتار جونەلتىلىپ كەلەدى، - دەيدى «قۇرىق پورتى» جاۋاپكەرشىلىگى شەكتەۋلى سەرىكتەستىگى باس ديرەكتورىنىڭ ورىنباسارى تالعات وسپانوۆ.

اقتاۋ تەڭىز پورتى ارقىلى بىلتىر 2 ملن 100 مىڭ توننا مۇناي جونەلتىلگەن، سونداي-اق، 800 مىڭ توننا استىق يران يسلام رەسپۋبليكاسىنا، 50 مىڭ تونناعا جۋىق ءتۇرلى-ءتۇستى مەتالل ازەربايجان مەن گرۋزياعا ەكسپورتتالعان.

 

ماڭعىستاۋ وبلىسى

                          

 

 

 

 

 

 

 

سوڭعى جاڭالىقتار

الماتى: جولاۋشىلار اعىنى مەن كولىك سانى ازايدى

وڭتۇستىك قازاقستان • بۇگىن، 18:10

بەتپەردە كيگەن كوكتەم - 6

قوعام • بۇگىن، 17:09

د دارۋمەنى - ينفەكتسيالاردىڭ «جاۋى»

كوروناۆيرۋس • بۇگىن، 16:47

شىمكەنت: تسيفرلى وتباسىنىڭ ءبىر كۇنى

وڭتۇستىك قازاقستان • بۇگىن، 15:58

ازيانىڭ احۋالى قانداي بولماق

ەكونوميكا • بۇگىن، 15:23

ۇقساس جاڭالىقتار