ايماقتار • 25 ناۋرىز، 2020

ماڭعىستاۋ: ەرەكشە قورعالاتىن تابيعي ايماقتار ءجىتى قاداعالانۋدا

64 رەتكورسەتىلدى

قازىر ماڭعىستاۋ وبلىسىنداعى 12 ەرەكشە قورعالاتىن تابيعي اۋماقتاردىڭ اۋدانى 2،8 ملن گەكتاردى قۇرايدى. ونىڭ ىشىندە 2012 جانە 2015 جىلدارى وبلىس اكىمدىگىنىڭ قاۋلىلارىمەن جەرگىلىكتى ماڭىزى بار ەرەكشە قورعالاتىن تابيعي اۋماقتار (ەقتا) قۇرىلعان. بۇل تۋرالى ماڭعىستاۋ وبلىسىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسى ءباسپاسوز قىزمەتى حابارلادى.

قازىر ولاردىڭ سانى - جەتەۋ، جالپى اۋدانى 1 046 746 گا، ۇزىندىعى 800 شاقىرىمداي، تۇرىكپەن شەكاراسىنان – اتىراۋ وبلىسىنىڭ شەكاراسىنا دەيىن سوزىلىپ جاتقان ءۇستىرت قىراتىنىڭ شىڭدارىن جانە بوزاشى تۇبەگىنىڭ شىعىسىن قامتيدى. 

ولاردىڭ التاۋى - زاڭدى مارتەبەسى جوق كەشەندى قاۋمالدار بولسا، بىرەۋى – زاڭدى تۇلعا - «قىزىلساي» مەملەكەتتىك وڭىرلىك تابيعي پاركى» كوممۋنالدىق مەملەكەتتىك مەكەمەسى. سوندىقتان التى قاۋمال «قىزىلساي» مەملەكەتتىك وڭىرلىك تابيعي پاركىنە» بەكىتىلگەن. قازىر جانۋارلار دۇنيەسىن جانە تابيعي ورتانى قورعاۋعا بارلىق شارالار الىنىپ جاتىر.

ەرەكشە قورعالاتىن تابيعي اۋماقتار وبلىستاعى بارلىق اۋداندىق ىشكى ىستەر بولىمدەرىمەن، وبلىستىق تابيعات قورعاۋ پوليتسياسىمەن، ماڭعىستاۋ اۋداندىق توتەنشە جاعدايلار بولىمىمەن بىرلەسكەن جۇمىس جوسپارلى ۇيىمداستىرىلىپ كەلەدى. كوردونداردا مەكەمە قىزمەتكەرلەرى ۆاحتالىق ادىسپەن جۇمىس جاسايدى.

«قىزىلساي» مەملەكەتتىك وڭىرلىك تابيعي پاركى» كوممۋنالدىق مەملەكەتتىك مەكەمەسى اۋداندىق ىشكى ىستەر باسقارمالارىمەن، «وحوتزووپروم» باتىس فيليالىمەن بىرلەسە وتىرىپ، وبلىستىق تابيعات قورعاۋ پوليتسياسىمەن 2019 جىلى 557 رەيد، ونىڭ ىشىندە بىرلەسكەن 51 رەيدتىك شارالارعا بەلسەندى قاتىسقان بولاتىن.

كۇشەيتىلگەن كۇزەت جۇمىستارىنىڭ ناتيجەسىندە جابايى جانۋارلار ءوسىپ كەلەدى. مىسالى 2017 جىلى قر اۋىل شارۋاشىلىعى مينيسترلىگىنىڭ ورماندار مەن جاۋارلار دۇنيەسىن قورعاۋ كوميتەتىنىڭ «وحوتزووپروم» ءوب» رەسپۋبليكالىق مەملەكەتتىك قازىنالىق كاسىپورنى جۇرگىزگەن اۆياساناق كەزىندە ەرەكشە قورعالاتىن جەرگىلىكتى ايماقتاردان 1509 استام ارقار انىقتالسا، 2018 جىلعى بويىنشا جۇرگىزگەن اۆياساناق كەزىندە كيىك، ءۇستىرت ارقارى، قاراقۇيرىق جانە باسقا دا جابايى اڭداردىڭ سانى كوبەيگەنىن كورسەتتى. اتاپ ايتقاندا 3700 كيىك، 1523 ءۇستىرت ارقارى، 1000 قاراقۇيرىق انىقتالدى. 2019 جىلى اۆياساناق كەزىندە قىزىل كىتاپقا ەنگەن اڭداردىڭ ءوسىمى انىقتالدى، اتاپ ايتقاندا 2041 ءۇستىرت ارقارى، 341 قاراقۇيرىق جانە ت.ب.

سونداي-اق، «قىزىلساي» تابيعي پاركىنىڭ، «ادامتاس»، «جابايۇشقان» قاۋمالدارىنىڭ كاردوندارىنا قۋاتتىلىعى 1-2 كۆت/ساعاتتىق كۇن باتارەيالارى مەن جەل گەنەراتورلارى ورناتىلدى.

2019 جىلعى تامىز ايىندا «تەڭىزشەۆرويل» جشس تاراپىنان جۇرتشىلىقپەن بايلانىستى نىعايتىپ، حالىقتىڭ الەۋمەتتىك جاعدايىنا اسا كوڭىل ءبولىنىپ، باسقارماعا قاراستى «قىزىلساي» مەكەمەسىنە ارنايى 7 ۆاگون-ۇيلەر، 22 فوتوتۇزاقتار مەن 2 درون سىيعا تارتىلىپ، كۇننىڭ ىستىعى مەن سۋىعىندا قىزمەت ەتۋلەرىنە جاعدايلار جاسالدى. تابيعات قورعاۋشىلار بايلانىس قۇرالدارىمەن، 29 اۆتوكولىكپەن، ونىڭ بىرەۋى ءورت سوندىرەتىن اۆتوكولىگىمەن قامتاماسىز ەتىلگەن.

«قىزىلساي» مەملەكەتتىك وڭىرلىك تابيعي پاركى» كوممۋنالدىق مەملەكەتتىك مەكەمەسىنە قاراستى قاۋمالدار اۋماعىنا «تۋريستىك ەكسكۋرتسيالىق سوقپاعىنىڭ مارشرۋتتارىنىڭ پاسپورتتارى» جاساقتالىپ، قر اۋىل شارۋاشىلىعى مينيسترلىگى ورمان شارۋاشىلىعى جانە جانۋارلار دۇنيەسى كوميتەتىنىڭ بۇيرىعىمەن بەكىتىلدى. اتاپ ايتقاندا شەتپە-تاسورپا، اقسۋ-تەمىربابا، بەينەۋ-ەسەت، جوسالى-بوزجىرا، ماناشى-ورمەلى، بەينەۋ-كولەڭكەلى، قىزىلساي-تۇزبايىر مارشرۋتتارى بويىنشا تۋريستەردى تابيعاتپەن تانىستىرۋ بولىپ تابىلادى. سونداي-اق، جەرگىلىكتى ماڭىزى بار ەرەكشە قورعالاتىن تابيعي اۋماقتاردى پايدالانعانى ءۇشىن تولەماقى مولشەرلەمەلەرى ء(تاريفى) جاساقتالۋدا.

 

 

ماڭعىستاۋ وبلىسى

                          

 

 

 

سوڭعى جاڭالىقتار

الماتى: جولاۋشىلار اعىنى مەن كولىك سانى ازايدى

وڭتۇستىك قازاقستان • بۇگىن، 18:10

بەتپەردە كيگەن كوكتەم - 6

قوعام • بۇگىن، 17:09

د دارۋمەنى - ينفەكتسيالاردىڭ «جاۋى»

كوروناۆيرۋس • بۇگىن، 16:47

شىمكەنت: تسيفرلى وتباسىنىڭ ءبىر كۇنى

وڭتۇستىك قازاقستان • بۇگىن، 15:58

ازيانىڭ احۋالى قانداي بولماق

ەكونوميكا • بۇگىن، 15:23

ۇقساس جاڭالىقتار