پارتيا وكىلدەرى سوعىس ارداگەرلەرى مەن قاراۋشىسى جوق قارتتارعا, جاعدايى تومەن جانۇيالار مەن مۇمكىندىگى شەكتەۋلى ازاماتتارعا ۇزبەي كومەك كورسەتىپ كەلەدى. كەزەكتى رەت شاھاردىڭ ناۋرىزباي اۋدانىندا تۇراتىن 25 ادامعا قورعانىس قۇرالدارى بار سومكە تابىستالدى. سومكەدە سابىن, انتيسەپتيك جانە مەديتسينالىق بەتپەردە بار.
– كارانتينگە بايلانىستى قيىن جاعدايدا قالىپ, ۇيلەرىنەن شىعا الماي جاتقاندار كوپ. سوندىقتان ءبىز Jas Otan جاستار قاناتىمەن بىرلەسە وتىرىپ اكتسيانى قايتادان قولعا الدىق. بۇل ىستەردى اتقارۋدا بىزگە ەرىكتىلەر قاۋىمى كوپ كومەك كورسەتۋدە. ماقساتىمىز – ازاماتتاردىڭ اتى جامان ىندەتتەن امان قالۋىنا ءسال دە بولسا ۇلەسىمىزدى قوسۋ, – دەيدى Nur Otan پارتياسى ناۋرىزباي اۋداندىق فيليالىنىڭ ءبولىم باسشىسى ايگەرىم تۇگەرەكوۆا.
ناۋرىزباي اۋدانىندا كومەككە مۇقتاج 500-دەي وتباسى بار دەسەك, وسىناۋ يگى شارا قانات قاققالى ونىڭ 100-دەن استامى كومەككە يە بولدى. قايىرىمدىلىق اكتسيا اياسىندا تۇتاس ەل اۋماعىندا تۇراتىن 7 مىڭ ادامعا وسىنداي قولداۋ كورسەتىلمەك.
الماتى
