ماڭعىستاۋ وبلىسىندا جەرگىلىكتى بيۋدجەتتەن قارجىلاندىرىلاتىن ورماندار جانە جانۋارلار دۇنيەسىن قورعاۋ جونىندەگى «سام» جانە «بەينەۋ» اتتى ەكى مەملەكەتتىك مەكەمە بار.
«سام» ورمان مەكەمەسى بەينەۋ اۋدانىنىڭ, ال «بەينەۋ» ورمان مەكەمەسى بەينەۋ مەن ماڭعىستاۋ اۋداندارىنىڭ اۋماعىندا ورنالاسقان. ورمان قورىنىڭ نەگىزى – قارا سەكسەۋىل وسىندىلەرى. جىلىنا 300 گەكتار جەرگە قارا سەكسەۋىل تۇقىمدارى ەگىلەدى.
سوڭعى ءۇش جىلدا 300 گەكتار ەگىلگەن جەردەن 2017 جىلى 148 گەكتار, 2018 جىلى 52 گەكتار, 2019 جىلى 280 گەكتار ورمان جامىلعىسى ورمان قورى جەرىنە قوسىلدى. ەكى مەكەمە دە ءۇستىرت قىراتىنىڭ ۇستىندە: سام ورمانى - بەينەۋ اۋدانىنىڭ سولتۇستىك-شىعىس بولىگىندە ارال تەڭىزىنە جاقىن, ال بەينەۋ ورمانى - بەينەۋ اۋدانىنىڭ وڭتۇستىك بولىگى مەن ماڭعىستاۋ اۋدانىنىڭ سولتۇستىك بولىگىندەگى, جىلىنا 120-170 مم اتموسفەرالىق ىلعال تۇسەتىن, ءشولدى القاپتا ورنالاسقان.
ءاربىر سەكسەۋىل جىلىنا اتموسفەراعا 500 كەلى تازا وتتەگىن شىعاراتىنىن ەسكەرسەك, سەكسەۋىل ورمان القاپتارىنىڭ وڭىردە قولايلى كليمات جاساۋعا جانە ەكولوگيالىق جاعدايدى جاقسارتۋعا ەرەكشە ۇلەسى بار. اتالمىش ەكى مەكەمە جىل سايىن «اعاش كەسۋ جانە ورمان بيلەتىن بەرۋ» مەملەكەتتىك قىزمەتىن كورسەتەدى. 2019 جىلى 43 ورمان بيلەتى جەكە شارۋا قوجالىقتارىنا ورمان قورىندا جايىلىمدىلىق جەردەن مال جايۋعا بەرىلدى.
ورماندار جانە جانۋارلار دۇنيەسىن قورعاۋ جونىندەگى «بەينەۋ» جانە «سام» مەكەمەلەرىنىڭ وكىلدەرى پوليتسەيلەرمەن بىرلەسە وتىرىپ وتكەن جىلى 100 رەيد, ونىڭ ىشىندە بىرلەسكەن 7 رەيدتىك شارالارعا قاتىسقان.
2019 جىلى ورمان شارۋاشىلىعىن دامىتۋ باعىتىندا ماڭعىستاۋ وبلىسى اكىمدىگىنىڭ ورماندارىن مولىقتىرۋ جانە ورمان ءوسىرۋ كولەمىن ۇلعايتۋدىڭ 2019-2030 جىلدارعا ارنالعان قادامدىق جوسپارى اۋىل شارۋاشىلىعى مينيسترلىگىمەن كەلىسىلىپ, وبلىس اكىمىمەن بەكىتىلگەن. ءورت قاۋپى ماۋسىمىنا دەيىن ورمان القابىنا جاقىن ورنالاسقان شارۋا قوجالىقتارىنا ءورت قاۋىپسىزدىگى جايلى ءتۇسىندىرۋ جۇمىستارى جۇرگىزىلدى.
ماڭعىستاۋ وبلىسى
