بۇل ەۆاكۋاتسيا كوروناۆيرۋستىڭ تارالۋىنا بايلانىستى قازاقستان پرەزيدەنتى قاسىم-جومارت توقاەۆتىڭ تاپسىرمالارىنا سايكەس جۇرگىزىلدى.
قازاقستان اسكەري-اۋە كۇشتەرى, اسكەري كولىك اۆياتسياسىنىڭ كۇشىمەن 21 ازامات, ونىڭ ىشىندە 10 بالا ەلگە ورالدى. ەۆاكۋاتسيالانعاندار قىرعىزستاندا ەمدەلۋلەرىنە بايلانىستى بولعاندىقتان كەلە الماعان.
ايتا كەتۋ كەرەك, ەۆاكۋاتسيالانعاندار اراسىندا كوروناۆيرۋس ينفەكتسياسىن جۇقتىرعاندار جوق. دەنساۋلىق جاعدايلارى جاقسى, شاعىمدارى بولماعان. بارلىق كەلگەن ادامدار ءتيىستى مەديتسينالىق تەكسەرىستەن ءوتىپ, ينفەكتسيالىق باقىلاۋ تالاپتارىنا سايكەس كارانتينگە جىبەرىلەدى.
ەۆاكۋاتسيالانعان ازاماتتاردىڭ تۋىستارى مەن جاقىندارىنا كەلگەندىگى تۋرالى حابارلانىپ, ولار كارانتين كەزەڭىنىڭ ەرەجەلەرىمەن تانىسادى.
بۇدان بولەك, اتىراۋ قالاسىنىڭ اۋەجايىنا كەلگەننەن كەيىن اسكەري ۇشاققا سانيتارلىق وڭدەۋ جۇرگىزىلدى.
