ياعني بالا اتاۋلى ۇيدە وتىر, اتا-اناسىنىڭ قاسىندا. ءوز پەرزەنتىنە بار جاقسىلىقتى تىلەيتىندەر ءۇشىن بۇل بالانىڭ كىتاپ وقۋعا قۇمارلىعىن, ىزدەنىمپازدىعىن, دۇنيەتانىمىن كەڭەيتۋگە تالپىنۋى مەن دۇرىس اقپاراتتى تاڭداۋىن قالىپتاستىرۋ, قوعامدا تەرىس اعىمنىڭ ىقپالىنا ءتۇسىپ قالماۋىنا ىقپال ەتۋ مۇمكىندىگىن ەسەلەي تۇسەر ءسات. وسى ورايدا ايتىسكەر اقىن, «وتىرار» كىتاپحاناسىنىڭ ديرەكتورى انار جاپپارقۇلوۆا كوپشىلىكتى بالانى كىتاپ وقۋعا كوبىرەك باۋلۋعا جانە ەڭ باستىسى كوركەم ادەبيەتتىسۇيۋگە كومەكتەسۋگە شاقىرادى.
— مەنىڭ ەگىز ۇلدارىم ءبىرىنشى سىنىپتا وقيدى. «سىنىپتا بارىندە سوتكا بار, بىزدە عانا جوق» دەپ شاعىمدانادى. ولار كۇنىنە ءجۇز سۇراق قويسا, مەن جۇزىنە دە جاۋاپ بەرەمىن. سەبەبى, ولاردىڭ دۇنيەتانىمى – نازىك ماسەلە. اتا - انا جان-جاقتىبولۋى ءتيىس. بالامدى مەن تاربيەلەمەسەم, كوشە تاربيەلەيدى. بالا الماعان اقپارات – ۆاكۋم. ۆاكۋم ەشقاشان بوس تۇرمايدى. ونى ءسىز تولتىرماساڭىز, قوقىسپەن تولۋى ىقتيمال. شەتەلدە «سەن اقىلدى بولساڭ, نەگە اقشاڭ از؟» دەگەن تۇسىنىك بار. كەيىنگى بۋىن اقشا تابۋ ءۇشىن ءومىر سۇرمەي, ءومىر ءسۇرۋ ءۇشىن اقشا تاپسا ەكەن. بۇل ەكى جولدا ءوز ءىسىن جاقسى كورەتىن, ادال جولدان تايقىمايتىندار ۇتىمدى نۇسقانى تاڭدايدى. ادام رۋحاني باي بولسا, اقشاعا تاۋەلدى پسيحولوگيا تۋىندامايدى. ماتەريالدىق قۇندىلىق پەن مورالدىق قۇندىلىقتى اجىراتا الادى. قازىرگى جاستار قانداي كىتاپ وقيدى؟ ادامدار دەپرەسسيادا جۇرگەندىكتەن, پسيحولوگيالىق كىتاپتار وقيدى. ماتەريالدىق بايۋعا, اقشانى قالاي جۇمساۋعا نەگىزدەلگەن كىتاپتاردى وقىعانشا, كوركەم ادەبيەت وقىلسا ەكەن. عالىمداردىڭ ادام وزىنە ۇنايتىن كىتاپتى وقىعاندا, كۇيزەلىس فاكتورلارى سەيىلىپ, قورشاعان ورتا اسەرىن باسقا اسەرگە الماستىرۋعا مۇمكىندىك تۋاتىنىن دالەلدەگەنى ءمالىم. ياعني بۇگىنگىدەي توتەنشە جاعدايدا كۇيزەلىسكە جول بەرمەۋ ماڭىزدى. قازىرگى جاستار وتە اقىلدى, ءبىلىمدى. ولاردىڭ تاڭداۋ ەركى مەن تالعامىن قالىپتاستىرۋ كەرەكپىز, – دەيدى انار جاپپارقۇلوۆا.
تۇركىستان وبلىسى
