اقتاۋ قالاسىنداعى №69 كولونياعا سوتتالعاندار اراسىندا تۋىپ كەتۋى ىقتيمال ب ۇلىكتىڭ الدىن الۋ ماقساتىندا اسكەر ەنگىزىلدى. بۇل تۋرالى «نوۆوستي.Mail.Ru» سايتىنىڭ ءتىلشىسى حابارلادى.
«سوتتالعانداردىڭ شامامەن 60-قا جۋىق تۋعان-تۋىستارى كولونيانىڭ قاقپاسى الدىندا تۇنگى ساعات 2-ءنىڭ كەزىندە جينالدى. بۇلاردى بۇعان جابىق مەكەمەدەن شالىنعان كوپتەگەن قوڭىراۋلار الىپ كەلگەن», - دەپ مالىمدەيدى ءتىلشى.
تۋىستاردىڭ ءبىرىنىڭ سوزىنە قاراعاندا, جاڭاوزەننەن ەكى كاماز كولىگىمەن ىشكى ىستەر اسكەري قىزمەتكەرلەرى جەتكىزىلگەن. ولار كولونيادا وتىرعانداردىڭ قولدارىندا تىيىم سالىنعان زاتتاردىڭ بار-جوعىن تەكسەرمەك ەكەن.
مۇنداي تەكسەرۋلەر كولونيادا ءجيى ءوتىپ تۇرادى, بىراق ول سوتتالعاندار اراسىندا ءار جولى وسىنداي ۇلكەن قارسىلىققا تاپ بولادى.
ال كولونيا اكىمشىلىگىنىڭ قىزمەتكەرلەرى مەكەمەدە قالىپتاسىپ وتىرعان جاعداي جايلى اقپارات بەرۋدەن باس تارتقان. سوتتالعانداردىڭ تۋىستارى كولونيادا ازىرگە ءبارى تىنىش ەكەنىن ايتادى.
الايدا, مۇندا اسكەر قىزمەتكەرلەردىڭ اكەلىنگەن دەرەگىن جوققا شىعارۋ مۇمكىن ەمەس. «ىشكى ىستەر اسكەرىنىڭ جاۋىنگەرلەرى كولونيادان بروندى جەلەتپەن شىعىپ, كاماز-دارعا وتىردى», - دەپ جازادى بۇدان ءارى ءتىلشى.
سۇلتان بوزايعىر.
