سۋرەتتى تۇسىرگەن: ۆالەري بۋگاەۆ
ال, باياناۋىل اۋدانىنىڭ اكىمى قانات كارىموۆ ساتباەۆ, مۇسا شورمانوۆ اتىنداعى, كوكدونباق, جاڭاجول اۋىلدارىنداعى احۋال جايىندا حابارلادى.
باسقا دا اۋىلداردا قار شىعارۋ جۇمىستارى جۇرگىزىلۋدە. بارلىق سۋ وتكىزۋ قۇبىرلارى تازارتىلعان.
سۋ دەڭگەيىن ۇزدىكسىز ولشەۋ تۇرۋ ءۇشىن بەس گيدروبەكەت ورناتىلدى. توتەنشە جاعدايىنا 14 مىڭ دانا قاپ, 500 توننا ينەرتتى ماتەريال جانە 10 توننا جانار-جاعار ماي دايىندالدى. توتەنشە جاعدايلار دەپارتامەنتىنىڭ جەدەل توبى شۇعىل ارەكەت ەتۋ ءۇشىن اۋداندا ورنالاسقان.
وبلىس اكىمى ءباسپاسوز قىزمەتىنىڭ مالىمەتىنشە, بۇدان كەيىن ابىلقايىر سقاقوۆ قالقامان-باياناۋىل-ۇمىتكەر–ۋليانوۆسكي رەسپۋبليكالىق ماڭىزى بار جولدىڭ 101 جانە 105 شاقىرىمىنا دا بارىپ قايتتى.
ويتكەنى, جولدىڭ بۇل بولىكتەرىنىڭ تۇيتكىلى از ەمەس. جىل سايىن وسى بولىكتەردى سۋ باسادى
«قازاۆتوجول «ۇك» اق وبلىستىق فيليالىنىڭ ديرەكتورى اقىلبەك قابىلدين بايانداۋىنشا, قءازىر رەسپۋبليكالىق بيۋدجەتتەن كەزەڭ-كەزەڭمەن قاراجات ءبولۋ باستالدى: ەندى وسى بولىكتەردەگى جول دەڭگەيى كوتەرىلىپ, كوپىر سالىنادى دەپ جوسپارلانۋدا.
سونداي-اق ابىلقايىر سقاقوۆ باياناۋىلداعى اششىسۋ وزەنىنىڭ اعىسىن كورىپ, اقجار بوگەتى اۋدانىندا قاراعاندى وبلىسىنىڭ اكىمى جەڭىس قاسىمبەكپەن كەزدەسۋ وتكىزدى.
اكىمدەر ەكى وبلىس شەكاراسىنداعى سۋ تاسقىنى كەزەڭىندە ءوزارا ءىس-قيمىل جانە بىرلەسىپ ارەكەت ەتۋ ماسەلەلەرىن تالقىلادى.
باياناۋىلداعى سۋ تاسقىنى جاعدايى باقىلاۋدا. سۋ تاسقىنى قاۋپى بار ايماقتاردا توتەنشە جاعداي قىزمەتتەرى جانە باسقالارى دا دايىن.
پاۆلودار وبلىسى
