«كوروناۆيرۋس بويىنشا الەمدەگى قولايسىز ەپيدەميولوگيالىق جاعدايدى جانە قازاقستان رەسپۋبليكاسىندا تىركەلگەن وقيعالاردى ەسكەرە وتىرىپ, كوروناۆيرۋس ينفەكتسياسىنىڭ باتىس قازاقستان وبلىسى اۋماعىنا ەنۋى مەن تارالۋىنىڭ الدىن الۋ ماقساتىندا اقتوبە جانە اتىراۋ وبلىستارىمەن شەكارالاردا سانيتاريالىق بلوكپوستار قويىلدى» دەپ حابارلايدى باتىس قازاقستان وبلىستىق باتىس قازاقستان وبلىسىنىڭ ساپانى باقىلاۋ مەن تاۋارلار قاۋىپسىزدىگى دەپارتامەنتىنىڭ ءباسپاسوز حاتشىسى ادەمى عيبراتقىزى.
سانيتارلىق بلوكپوستتار باتىس قازاقستان وبلىسىنىڭ شىڭعىرلاۋ اۋدانى مەن اقتوبە وبلىسىنىڭ شەكاراسىندا, سونداي-اق اقجايىق اۋدانى مەن اتىراۋ وبلىسىنىڭ شەكاراسىندا قويىلعان. سانيتارلىق بەكەتتەردە پوليتسيا جانە سانيتارلىق-ەپيدەميولوگيالىق قىزمەت قىزمەتكەرلەرى تاۋلىك بويى كەزەكشىلىك ەتىپ, ارى-بەرى وتكەن جولاۋشىلارعا ساۋالناما جۇرگىزەدى.
ءبىر كۇن ىشىندە اقجايىق بلوكپوستىندا 321 ازاماتقا, شىڭعىرلاۋ بلوكپوستىندا 1058 ازاماتقا ساۋالناما جۇرگىزىلگەن.
«بلوكپوستتان وتكەن ازاماتتاردىڭ ەشبىرى دەنساۋلىق جاعدايىنا شاعىم ايتقان جوق, جۇمىس جالعاسۋدا» دەيدى ارنايى تاراتىلعان حابارلامادا.
باتىس قازاقستان
