ايماقتار • 23 ناۋرىز, 2020

جامبىل وبلىسىندا شەت ەلدەردەن كەلگەندەر وقشاۋلانۋدا

295 رەت

كورسەتىلدى

1 مين

وقۋ ءۇشىن

جامبىل وبلىستىق دەنساۋلىق ساقتاۋ باسقارماسىنىڭ مالىمەتىنشە, بۇگىنگى تاڭدا وڭىردە كوروناۆيرۋس ينفەكتسياسىن جۇقتىرۋ دەرەگى تىركەلمەگەن. باسقارما جۇرگىزگەن مونيتورينگكە سايكەس, وبلىستا اعىمداعى جىلعى 23 ناۋرىز كۇنگى جاعداي بويىنشا يتاليا سىندى 1A ساناتىنداعى ەلدەردەن كەلگەن 3 ازامات كارانتيندىك ستاتسيونارعا وقشاۋلانسا, 1ب ساناتىنداعى ەلدەردەن كەلگەن 17 ازامات ءۇي كارانتينىنە وقشاۋلانعان. ال, فيليپپين, كاتار, ءۇندىستان, بىرىككەن اراب امىرلىكتەرى, ۇلىبريتانيا, ءازىربايجان, تايلاند, اقش سياقتى 2-ساناتتاعى ەلدەردەن كەلگەن 18 ازامات مەديتسينالىق باقىلاۋعا قوڭىراۋ شالۋ ارقىلى الىنعان.

حاميت ەسامان

جامبىل وبلىسىندا شەت ەلدەردەن كەلگەندەر وقشاۋلانۋدا

«شەت ەلدەن كەلگەن تۇلعامەن قاتىناستا بولعان 1 تۇلعا ينفەكتسيالىق ستاتسيونارعا ءجىتى رەسپيراتورلىق ۆيرۋستىق ينفەكتسياسىنىڭ بەلگىلەرى بولۋىنا بايلانىستى جاتقىزىلدى. كوروناۆيرۋستىق ينفەكتسياعا قان تالداۋىنىڭ ناتيجەسى تەرىس. كەلگەن تۇلعالار ءۇشىن كارانتيندىك ستاتسيوناردا 7 ادام قالۋدا. كوروناۆيرۋستىق ينفەكتسياسىمەن اۋىرعان ناۋقاسپەن بايلانىستا بولعاندارعا ارنالعان كارانتيندىك ستاتسيوناردا 17 ادام. بارلىعى 25 تۇلعا, ولاردىڭ دەنساۋلىق جاعدايلارى قاناعاتتانارلىق», دەيدى وبلىستىق دەنساۋلىق ساقتاۋ باسقارماسىنىڭ باسشىسى مارات جۇمانقۇلوۆ.

سونىمەن قاتار ءۇي كارانتينىندە بارلىعى 56 تۇلعا بولسا, ونىڭ ىشىندە 1ب كاتەگوريالى ەلدەردەن كەلگەن 32 تۇلعا بار. كوروناۆيرۋسپەن اۋىرعان ناۋقاسپەن بايلانىستا بولعان تۇلعالارمەن قاتىناستا بولعان 24 ازامات باقىلاۋدا تۇر ەكەن.

جامبىل وبلىسى