ەكونوميكا • 23 ناۋرىز، 2020

يپوتەكالىق تولەمدەردى ءۇش ايعا كەيىنگە قالدىرۋدى ۇسىندى

76 رەتكورسەتىلدى

«بايتەرەك» ۇبح» اق تۇرعىن ءۇي بلوگىنىڭ ەنشىلەس ۇيىمدارى (تۇرعىن-ءۇي قۇرىلىس جيناق بانكى، قازاقستان يپوتەكالىق كومپانياسى، بايتەرەك دەۆەلوپمەنت) قازاقستاندا توتەنشە جاعداي ارەكەت ەتۋ كەزەڭىندە مەملەكەتتىك جانە مەنشىكتى باعدارلامالار شەڭبەرىندە جەكە جانە زاڭدى تۇلعالاردىڭ قارىزدارى بويىنشا مەرزىمىن كەيىنگە قالدىرۋدى ۇسىنادى.

وسى  جىلعى 23 ناۋرىزدا توتەنشە جاعداي جونىندەگى مەملەكەتتىك كوميسسيانىڭ وتىرىسىندا ايتىلعان مەملەكەت باسشىسىنىڭ تاپسىرمالارىنا سايكەس، ۋاقىتشا قارجىلىق قيىندىقتارعا تاپ بولعان جەكە جانە زاڭدى تۇلعالار ءۇشىن حولدينگتىڭ تۇرعىن ءۇي بلوگىنىڭ ەنشىلەس ۇيىمدارى بارلىق تولەمدەر بويىنشا، نەگىزگى قارىز بەن سىياقى سوماسىن قوسا العاندا، تۇرعىن ءۇي جانە تۇرعىن ەمەس جىلجىمايتىن م ۇلىك وبەكتىلەرىن ساتىپ الۋ قۇقىعىمەن جالداۋ/ساتىپ الۋ-ساتۋ (ونىڭ ىشىندە ءبولىپ تولەۋ) بارلىق مامىلەلەرى بويىنشا، ايىپپۇلدار مەن وسىماقى ەسەپتەمەي، الداعى 3 ايعا ء(ساۋىر-ماۋسىم) تولەمدەردى كەيىنگە قالدىرۋ تۋرالى شەشىم قابىلدادى.

كەيىنگە قالدىرۋدى مەملەكەتتىك وپەراتورلار قاشىقتىقتان بايلانىس ارنالارى (جەكە كابينەت، telegram-بوتتار، رەسمي سايتتار) ارقىلى ءوتىنىش بەرۋشىنىڭ جۇگىنۋى ارقىلى جەكە تارتىپپەن قارايتىن بولادى.

بارلىق سۇراقتار بويىنشا call-ورتالىقتاردىڭ نومىرلەرى بويىنشا حابارلاسۋعا بولادى:

تۇرعىن ءۇي قۇرىلىس جيناق بانكى: 300

قازاقستاندىق يپوتەكالىق كومپانيا: +7 800 080 44 48

بايتەرەك دەۆەلوپمەنت: +7 7172 79 65 60، +7 800 080 01 01

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ۇقساس جاڭالىقتار