ايماقتار • 23 ناۋرىز, 2020

13 مىڭنان استام سەمەيلىك كوپ رەت قولدانىلاتىن ماسكالاردى تەگىن الدى

210 رەت

كورسەتىلدى

1 مين

وقۋ ءۇشىن

سەمەيدە ۆيرۋستار مەن ينفەكتسيالاردان قورعاۋدىڭ جەكە قۇرالدارى سوعىس جانە ەڭبەك ارداگەرلەرىنە, مۇگەدەكتەرگە جانە كوپ بالالى وتباسىلارعا تەگىن تاراتىلا باستادى. ەرىكتىلەر 13 مىڭنان استام ادامعا كوپ رەتتىك قورعانىس قۇرالدارىن جەتكىزىپ بەردى. ولاردىڭ ىشىندە 213 جەتىم بالا, 9972 مۇگەدەك, 2635 تىل ەڭبەككەرى جانە 270 سوعىس ارداگەرى بار.

سۇڭعات ءالىپباي

13 مىڭنان استام سەمەيلىك كوپ رەت قولدانىلاتىن ماسكالاردى تەگىن الدى

- مەملەكەت باسشىسى كوروناۆيرۋستىڭ پاندەمياسى سالدارىنان ەلدە توتەنشە جاعداي جاريالادى. ەرىكتىلەر الەۋمەتتىك جاعىنان وسال ازاماتتارعا ماسكالار جەتكىزدى, - دەدى سەمەي جاستار رەسۋرستىق ورتالىعىنىڭ وكىلى اسحات اسقاروۆ.

ونىڭ ايتۋىنشا, قالا تۇرعىندارىمەن الدىن الۋ اڭگىمەلەرى وتكىزىلۋدە. جاقىندا ماسكالار بەلگىلەنگەن باعا بويىنشا - 170 تەڭگەدەن ەركىن ساتىلىمعا تۇسەدى. الدىمەن ولاردى قازپوشتا بولىمشەلەرىندە زەينەتكەرلەر ساتىپ الا الادى, بىراق ءبىر ادامعا ءتورت دانادان بەرىلەدى.