حالىق اراسىندا ءتۇسىندىرۋ جۇمىستارى جۇرگىزىلىپ جاتقانىنا, قالاعا اينالما جول ارقىلى كىرىپ-شىعۋعا تىرىسقانداردىڭ ارەكەتى زاڭسىز ەكەنىنە توقتالعان اكىم, ازاماتتاردى قاۋىپتى ينفەكتسيانىڭ تارالۋىنا جول بەرمەۋگە شاقىرىپ, تۇراقتاندىرۋ قورىن الەۋمەتتىك ماڭىزى بار ازىق-ت ۇلىك تاۋارلارىمەن قامتاماسىز ەتۋ ءۇشىن قالا بيۋدجەتىنەن قوسىمشا 5 ملرد تەڭگە بولىنگەنىن, الداعى ۋاقىتتا ازىق-ت ۇلىك تاپشىلىعى بولمايتىنىن اتاپ ءوتتى.
«22 ناۋرىزدىڭ تۇنىنەن باستاپ قالاعا كىرۋ مەن شىعۋ تولىعىمەن شەكتەلدى. كەزەكشىلىكتەگى بارلىق قىزمەتتەر, سونىڭ ىشىندە اسكەري قىزمەتكەرلەر, دارىگەرلەر, سانەپيدەميولوگتار مەن پوليتسەيلەر بارلىق قاجەتتىلىكتەرمەن جابدىقتالعان. اۋرۋ بەلگىلەرى بار ادامداردى انىقتايتىن ءموبيلدى وقشاۋلاعىش ورناتىلدى. وسىعان بايلانىستى پوليتسياعا قالانىڭ بارلىق پەريمەترى بويىنشا باقىلاۋدى كۇشەيتۋ تاپسىرىلدى. سونداي-اق ەلباسى تاپسىرماسى بويىنشا «جاڭا الاتاۋ» قورى ارقىلى مۇقتاج جاندارعا كومەك كورسەتىلىپ جاتىر. كومەككە مۇقتاج جانداردى قولداۋدىڭ وزگە دە شارالارى قابىلدانۋدا. ونىڭ ىشىندە, كوممۋنالدىق تولەمدەردى ۋاقىتىلى تولەمەگەندەرگە ايىپپۇلدار مەن وسىماقىلاردىڭ سالىنبايتىنىن اتاپ وتكەن ءجون» دەپ جازدى باقىتجان ساعىنتاەۆ.
