«قالادا كارانتين جاريالاندى. 22 ناۋرىز كۇنى ساعات 00-دەن باستاپ ەلورداعا كىرىپ-شىعۋعا تىيىم سالىنادى. بىراق بۇل قالاعا ازىق – ت ۇلىك پەن قاجەتتى تاۋارلاردى تاسىمالداۋعا ەش كەدەرگى كەلتىرمەيدى. «جاسىل ءدالىز» جۇيەسى جۇمىس ىستەيدى. تاۋارعا ىلەسپە قۇجاتتار, جەكە كۋالىك, تەحپاسپورت سياقتى قۇجاتتار بولۋى ءتيىس. كەز-كەلگەن الىپساتارلىق پەن قۇقىق بۇزۋشىلىق ارەكەتتەردى بولدىرمايمىز. ەلورداعا ازىق-ت ۇلىك تاۋارلارىن جەتكىزۋ ءاردايىم ۇيلەسىمدى ۇيىمداستىرىلۋى ءتيىس. الەۋمەتتىك ماڭىزى بار تاۋارلاردىڭ باعاسىن تۇراقتاندىرۋ ءۇشىن تۇراقتاندىرۋ قورى قۇرىلىپ, «Magnum», «استىقجان», «كەڭمارت», «Small», «شاپاعات», «ەۆرازيا» بازارلارىن جەڭىلدىكپەن نەسيەلەندىرۋ بويىنشا ۇلكەن جۇمىس اتقاردىق, ناۋبايحانالارعا قولداۋ كورسەتىپ جاتىرمىز», - دەدى ەلوردا اكىمى التاي كولگىنوۆ.
سونىمەن قاتار, ەلوردانىڭ بىرقاتار سۋپەرماركەتتەرى اتاۋلى الەۋمەتتىك كومەك الاتىن وتباسىلاردا تاربيەلەنىپ جاتقان 1 جاستان 6 جاسقا دەيىنگى بالالارعا ازىق-ت ۇلىك پەن تۇرمىستىق حيميا تاۋارلارىن بەرەدى. كەپىلدى الەۋمەتتىك كومەك 4,4 مىڭنان استام بالانى قامتيدى.
