قازاقستان • 22 ناۋرىز، 2020

بۇگىن - ۇلىستىڭ ۇلى كۇنى

34 رەتكورسەتىلدى

بارشا جۇرت اسىعا كۇتەتىن، مول ىرزىق پەن ىنتىماقتىڭ، جاقسىلىق پەن مولشىلىقتىڭ مەرەكەسى – ءاز-ناۋرىز. بۇل كۇنى اعايىن-جۇرت ءبىر-ءبىرىن قوناققا شاقىرىپ، قول الىسادى، ءتوس قاعىستىرىپ، ىنتىماققا شاقىرادى.

بۇگىن ۇلىستىڭ ۇلى كۇنى ناۋرىز مەرەكەسى! تۇتاس تۇركى حالىقتارىنىڭ ورتاق مەيرامىن حالقىمىز ەجەلدەن تويلاپ كەلەدى. ناۋرىز قازاقستانداعى بۇكىل ۇلت پەن ۇلىستىڭ ساعىنا كۇتەتىن ورتاق مەرەكەسىنە اينالدى. كوكتەم مەيرامى جىل سايىن جاڭا مازمۇنمەن، ءسان-سالتاناتىمەن تۇرلەنە باستادى.

تابيعات-انا بۋسانىپ، كۇللى تىرشىلىك الەمى قايتا تۇلەيتىن قاسيەتتى ناۋرىز مەيرامىن عالامشارداعى 300 ميلليوننان استام ادام تويلايدى. ۇلىستىڭ ۇلى كۇنى ادامزات اتاۋلىنىڭ قۇندى مۇراسى رەتىندە 2009 جىلدىڭ 30 قىركۇيەگىندە يۋنەسكو-نىڭ مادەني مۇرالار تىزىمىنە ەنگىزىلگەنى بەلگىلى. ال بىرىككەن ۇلتتار ۇيىمى 2010 جىلى ناۋرىز مەرەكەسىن – حالىقارالىق كۇن رەتىندە جاريالادى. سوندىقتان جىل سايىن وسىناۋ ۇلى كۇندى تۇركى حالىقتارى عانا ەمەس، الەمنىڭ كوپتەگەن ەلدەرى ۇلكەن قۋانىشپەن قارسى الىپ، ىستىق ىقىلاسپەن مەرەكەلەيتىنى تەگىن بولماسا كەرەك.

ناۋرىز – بۇكىلحالىقتىق مەيرام. ۇلىس كۇنىن جاڭا جىلدىڭ باستاۋى رەتىندە 3 مىڭ جىلدان بەرى بالقان تۇبەگى، قارا تەڭىز ايماعى، كاۆكاز ەلدەرى، ورتالىق ازيا جانە تاياۋ شىعىس ءوڭىرىن مەكەن ەتكەن ميلليونداعان ادام تويلاپ كەلەدى. سونىڭ سىرتىندا قازاقستاننىڭ وزگە مەملەكەتتەردەگى ەلشىلىكتەرى دە مەرەكەنىڭ ابىرويىن اسقاقتاتىپ، لايىقتى دەڭگەيدە اتاپ ءوتۋدى ۇردىسكە اينالدىردى. ماسەلەن، مىسىر استاناسى كايردە قازاقستان ەلشىلىگىنىڭ عيماراتىندا ناۋرىز مەرەكەسى تويلانىپ، وعان ەلشىلىكتەن باسقا، ءال-ازھار ۋنيۆەرسيتەتىنىڭ ۇجىمى بەلسەنە اتسالىسقان. مەرەكەگە جەرگىلىكتى جەردە تۇراتىن قازاقتار بەلسەنە قاتىسىپ، مەرەكە كورىگىن قىزدىرعان.

سوڭعى جاڭالىقتار

عاسىر زۇلماتى

قوعام • كەشە

ۇقساس جاڭالىقتار